Texts

atha vātanāśanarasam āha sūtahāṭakavajrāṇīti // (1) Par.?

sūtaṃ pāradaṃ hāṭakaṃ suvarṇaṃ vajraṃ hīrakam // (2) Par.?

eke mākṣikasthāne gandhakamiti paṭhanti etanmanoharam // (3) Par.?

tālaṃ haritālaṃ nīlāñjanaṃ prasiddhaṃ tadabhāve sīsakaṃ grāhyam // (4) Par.?

tatsambhavatvāt abdhiphenaṃ samudraphenam // (5) Par.?

etatsakalaṃ samamātram // (6) Par.?

pañcānāṃ lavaṇānāṃ pañcabhāgā ityarthaḥ // (7) Par.?

sindhusauvarcalopetaṃ biḍaṃ sāmudrajaṃ gaḍam iti pañcalavaṇam // (8) Par.?

ruddhvādho bhūdhare pacediti // (9) Par.?

tatsakalaṃ dinaikam ekadinaṃ saṃmardya paścādbhūdharayantre paced ityabhiprāyaḥ // (10) Par.?

bhūdharayantraṃ tu pūrvaṃ darśitameva // (11) Par.?

anupāne sakṛṣṇamiti pippalīcūrṇaṃ prakṣepaṇaṃ kuryāt // (12) Par.?

ayameva raso granthāntare bhūtonmādārthaṃ paṭhitaḥ // (13) Par.?

atra kvacidviparītatā dṛśyate tathāhi / (14.1) Par.?

sūtāyastāmramabhraṃ ca mṛtaṃ svarṇaṃ samaṃ samam / (14.2) Par.?

sūtapādaṃ mṛtaṃ vajraṃ tālaṃ gandhaṃ manaḥśilām // (14.3) Par.?

tutthaṃ nīlāñjanaṃ śuddhamabdhiphenaṃ samaṃ rasāt / (15.1) Par.?

pañcānāṃ lavaṇānāṃ ca pratibhāgaṃ rasonmitam // (15.2) Par.?

citrakair bhṛṅgarājaiśca vajrīdugdhaiśca mardayet / (16.1) Par.?

dinānte golakaṃ kṛtvā ruddhvā gajapuṭe pacet // (16.2) Par.?

mahābhūtāṅkuśo nāma raso guñjādvayaṃ lihet / (17.1) Par.?

ārdrakasya rasair eva bhūtonmādapraśāntaye // (17.2) Par.?

pippalyāktaṃ pibeccānu daśamūlaṃ kaṣāyakam iti // (18) Par.?