Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 4650

Click on a sentence to show its analysis
Keep the mouse pointer over a lemma to show its meanings.

śrīmārkaṇḍeya uvāca / (1.1) Par.?

tato gacchenmahīpāla vahnitīrthamanuttamam / (1.2) Par.?

yatra siddho mahātejāstapaḥ kṛtvā hutāśanaḥ // (1.3) Par.?

sarvabhakṣyaḥ kṛto yo 'sau daṇḍake muninā purā / (2.1) Par.?

narmadātaṭamāśritya pūto jāto hutāśanaḥ // (2.2) Par.?

tatra tīrthe tu yaḥ snātvā pūjayitvā maheśvaram / (3.1) Par.?

agnipraveśaṃ kurute sa gacchedagnisāmyatām // (3.2) Par.?

bhaktyā snātvā tu yastatra tarpayetpitṛdevatāḥ / (4.1) Par.?

agniṣṭomasya yajñasya phalamāpnotyasaṃśayam // (4.2) Par.?

tasyaivānantaraṃ rājankauberaṃ tīrthamuttamam / (5.1) Par.?

kubero yatra saṃsiddho yakṣāṇāmadhipaḥ purā // (5.2) Par.?

tatra tīrthe naraḥ snātvā samabhyarcya jagadgurum / (6.1) Par.?

umayā sahitaṃ bhaktyā sarvapāpaiḥ pramucyate // (6.2) Par.?

tatra tīrthe tu yaḥ snātvā dadyād viprāya kāṃcanam / (7.1) Par.?

nābhimātre jale tiṣṭhansa labhetārbudaṃ phalam // (7.2) Par.?

dadhiskande madhuskande nandīśe varuṇālaye / (8.1) Par.?

āgneye yatphalaṃ tāta snātvā tatphalamāpnuyāt // (8.2) Par.?

te vandyā mānuṣe loke dhanyāḥ pūrṇamanorathāḥ / (9.1) Par.?

yaistu dṛṣṭaṃ mahāpuṇyaṃ narmadātīrthapañcakam // (9.2) Par.?

te yānti bhāskare loke parame duḥkhanāśane / (10.1) Par.?

bhāskarādaiśvare loke caiśvarād anivartake // (10.2) Par.?

nīyate sa pare loke yāvad indrāścaturdaśa / (11.1) Par.?

tataḥ svargāccyuto martyo rājā bhavati dhārmikaḥ // (11.2) Par.?

sarvarogavinirmukto bhunakti sacarācaram / (12.1) Par.?

viṣṇuśca devatā yeṣāṃ narmadātīrthasevinām // (12.2) Par.?

akhaṇḍitapratāpāste jāyante nātra saṃśayaḥ / (13.1) Par.?

gaṅgā kanakhale puṇyā kurukṣetre sarasvatī // (13.2) Par.?

grāme vā yadi vāraṇye puṇyā sarvatra narmadā / (14.1) Par.?

revātīre vasennityaṃ revātoyaṃ sadā pibet // (14.2) Par.?

sa snātaḥ sarvatīrtheṣu somapānaṃ dine dine / (15.1) Par.?

gaṅgādyāḥ saritaḥ sarvāḥ samudrāśca sarāṃsi ca / (15.2) Par.?

kalpānte saṃkṣayaṃ yānti na mṛtā tena narmadā // (15.3) Par.?

iti śrīskānde mahāpurāṇa ekāśītisāhasryāṃ saṃhitāyāṃ pañcama āvantyakhaṇḍe revākhaṇḍe dadhiskandādipañcatīrthamāhātmyavarṇanaṃ nāma dvyaśītitamo 'dhyāyaḥ // (16.1) Par.?

Duration=0.1523449420929 secs.