Texts

āhitāgniṃ ced upatapet prācyām udīcyām aparājitāyāṃ vā diśyudavasyet // (1) Par.?

grāmakāmā agnaya ity udāharanti // (2) Par.?

āśaṃsanta enaṃ grāmam ājigamiṣanto 'gadaṃ kuryur iti ha vijñāyate // (3) Par.?

agadaḥ somena paśuneṣṭyeṣṭvāvasyet // (4) Par.?

aniṣṭvā vā // (5) Par.?

saṃsthite bhūmibhāgaṃ khānayed dakṣiṇapūrvasyāṃ diśi dakṣiṇāparasyāṃ vā // (6) Par.?

dakṣiṇāpravaṇaṃ prāgdakṣiṇāpravaṇaṃ vā // (7) Par.?

pratyagdakṣiṇāpravaṇam ity eke // (8) Par.?

yāvān udbāhukaḥ puruṣas tāvadāyāmam // (9) Par.?

vyāmamātraṃ tiryak // (10) Par.?

vitastyavāk // (11) Par.?

abhita ākāśaṃ śmaśānam // (12) Par.?

bahulauṣadhikam // (13) Par.?

kaṇṭakikṣīriṇas tv iti yathoktaṃ purastāt // (14) Par.?

yatra sarvata āpaḥ prasyanderann etad ādahanasya lakṣaṇaṃ śmaśānasya // (15) Par.?

keśaśmaśrulomanakhāni vāpayantīty uktaṃ purastāt // (16) Par.?

vigulphaṃ barhirājyaṃ ca // (17) Par.?

dadhanyatra sarpir ānayanti // (18) Par.?

etat pitryaṃ pṛṣadājyam // (19) Par.?