Texts

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 4830

Click on a sentence to show its analysis
Keep the mouse pointer over a lemma to show its meanings.

vālukāyantraṃ dvividhamāha surasāmiti // (1) Par.?

surasāṃ granthikoṭararekhādyabhāvena sulakṣaṇāṃ // (2) Par.?

gūḍhavaktrām akarālamukhām adrimṛtkarpaṭādinā trivāraṃ saptavāraṃ vā kṛtenāṅgulasthūlena veṣṭitām ātape saṃśoṣitāṃ kācaghaṭīm udarasya bhāgacatuṣṭayaṃ parikalpya triṣu bhāgeṣu pūrayet // (3) Par.?

tasyā garbhe bhāgatrayaṃ kajjalyādinā bheṣajena pūrayet // (4) Par.?

evaṃ sampūritāṃ tāṃ vitastigambhīre bhāṇḍe mṛnmaye viśālakharpare pūritavālukāmadhye sthāpitāṃ kuryāt // (5) Par.?

pūraṇīyavālukāyā mānamapyāha tadbhāṇḍaṃ pūrayediti // (6) Par.?

bhāṇḍodarasyāpi bhāgacatuṣṭayaṃ parikalpya tadbhāṇḍaṃ vālukayā tribhirbhāgairmitayā tribhāgapūraṇaparyāptayā pūrayetsaṃbharet // (7) Par.?

anyābhir avaśiṣṭaikabhāgamitābhir vālukābhiḥ kācakalaśīm abhitaḥ prakṣepeṇāvaguṇṭhayet // (8) Par.?

kaṇṭhaparyantam ācchāditāṃ kuryādityarthaḥ // (9) Par.?

bhāṇḍamukhaṃ ca maṇikayā viśālanyubjamṛtpātreṇācchādya saṃdhilepādi kṛtvā cullyāṃ pacet // (10) Par.?

tatpacanakālamānam āha tṛṇasyeti // (11) Par.?

maṇikāpṛṣṭhe prakṣiptatṛṇadāhaparyantaṃ pacet // (12) Par.?

tṛṇadāhetyupalakṣaṇam // (13) Par.?

sindūrarasādau raktavarṇotpattiparyantamapi pākasyāvaśyakatvāt // (14) Par.?

sa ca varṇo jñeyaḥ // (15) Par.?

kūpīmukhād udgataraktavarṇabāṣpadarśaneneti bodhyam // (16) Par.?

Duration=0.025253057479858 secs.