Texts

tata āgrahāyaṇyāṃ paurṇamāsyām evam evaitat karma kriyate // (1) Par.?

yad anyad dhānāprāśanāt pariṣecanād iti sarvaṃ tat kriyate // (2) Par.?

āgneyena sthālīpākena parvasu yajate // (3) Par.?

tasya purastāt sviṣṭakṛta etā āhutīr juhoti / (4.1) Par.?

iḍāyāḥ padaṃ ghṛtavaccarācaraṃ jātavedaḥ / (4.2) Par.?

havir idaṃ juṣasva / (4.3) Par.?

ye grāmyāḥ paśavo viśvarūpās teṣāṃ saptānām iha rantir astu / (4.4) Par.?

puṣṭyai svāhā / (4.5) Par.?

yāṃ devāḥ pratinandanti rātriṃ dhenumivāyatīm / (4.6) Par.?

saṃvatsarasya yā patnī sā no astu sumaṅgalī svāhā / (4.7) Par.?

paurṇamāsī pūrayantyāyātyaparāparam / (4.8) Par.?

ardhamāsānvibhajantī sā naḥ pūrṇābhirakṣatu svāhā / (4.9) Par.?

śivā paśubhyo dārebhyaḥ śivā naktaṃ śivā divā / (4.10) Par.?

saṃvatsaraṃ kalpayantī sā naḥ kāmadughā bhavatsvāhā / (4.11) Par.?

pūrṇā paścāttvamagne ayāsi prajāpate // (4.12) Par.?

iti tisrastataḥ sauviṣṭakṛtaṃ juhoti / (5.1) Par.?

agnaye sviṣṭakṛte svāheti // (5.2) Par.?

atha hemantapratyavarohaṇam // (6) Par.?

yatra pratyavarokṣyanbhavati tadupatiṣṭhate / (7.1) Par.?

prati kṣatre pratitiṣṭhāmi rāṣṭre pratyaśveṣu pratitiṣṭhāmi goṣu / (7.2) Par.?

prati prajāyāṃ pratitiṣṭhāmi bhavye / (7.3) Par.?

syonā pṛthivi no bhavānṛkṣarā niveśanī / (7.4) Par.?

yacchā naḥ śarma saprathā iti // (7.5) Par.?