Texts

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 791

Click on a sentence to show its analysis
Keep the mouse pointer over a lemma to show its meanings.

deho'pi parārtha eva ācaitanyāt pṛthivyādivaditi tasyāpy ānyārthyaṃ pārārthyaṃ sutarāmupapadyate // (1) Par.?

tataśca dehasya kṣityādīnāṃ ca parārthatvātpara ātmaivātra yuktyupapannaḥ // (2) Par.?

nanu dehādanyatra yadi caitanyaṃ syāt syādetadevam // (3) Par.?

pṛthvyādicaturbhūtavikārake prāṇādikāraṇībhūte garbhādau saṃvidudbhavaḥ kiṇvādidravyavikāre bhavaśaktyutpattivat // (4) Par.?

tathāhi kṛśo'haṃ sthūlo'hamiti śarīra evāhaṃpratyayo dṛṣṭaḥ na ca tadvyatirikta ātmā upalabhyate dehe'styātmā ityasya aśve viṣāṇamityādivat pratyakṣanirākṛtatvāt // (5) Par.?

atha parārthāścakṣurādayaḥ saṃghātatvāt śayanādyaṅgavadityādinā karaṇādīnāṃ kartṛprayojyatvādinā vā anumānenātmā prasādhyate na tadyuktaṃ tasyātmāpalāpinaścārvākān pratyasiddheḥ // (6) Par.?

nahy eṣāṃ pratyakṣād anyatkiṃcit pramāṇaṃ siddhāv api vā anumīyamānasyātmano devadattādivatparatvaṃ prasajyate // (7) Par.?

yatkila svayaṃ prakāśate sa evātmā tatprakāśyastu para iti viviktatayā ātmaparabhāvasya prakāśamānasyaiva saṃkaro'navasthānaṃ ca syāt // (8) Par.?

taduktam / (9.1) Par.?

ātmā yadi bhavenmeyastasya mātā bhavetparaḥ / (9.2) Par.?

para ātmā tadānīṃ syātsa paro yastu mīyate // (9.3) Par.?

iti // (10) Par.?

tathā / (11.1) Par.?

prakāśate saṃvidekā tadanyattu prakāśyate / (11.2) Par.?

prakāśyaṃ ca bhavetkarma tac ca kartrā vinā katham // (11.3) Par.?

iti // (12) Par.?

tasmān nānumānena dehavyatirikta ātmā upalabhyate apitu caitanyaviśiṣṭaḥ kāya eva vastusann ityāśaṅkayāha // (13) Par.?

Duration=0.040255069732666 secs.