Texts

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 7287

Click on a sentence to show its analysis
Keep the mouse pointer over a lemma to show its meanings.

The settiṅg up of revenue by the administration

samāhartā durgaṃ rāṣṭraṃ khaniṃ setuṃ vanaṃ vrajaṃ vaṇikpathaṃ cāvekṣeta // (1.1) Par.?

śulkaṃ daṇḍaḥ pautavaṃ nāgariko lakṣaṇādhyakṣo mudrādhyakṣaḥ surā sūnā sūtraṃ tailaṃ ghṛtaṃ kṣāraḥ sauvarṇikaḥ paṇyasaṃsthā veśyā dyūtaṃ vāstukaṃ kāruśilpigaṇo devatādhyakṣo dvārabāhirikādeyaṃ ca durgam // (2.1) Par.?

sītā bhāgo baliḥ karo vaṇik nadīpālastaro nāvaḥ pattanaṃ vivicitaṃ vartanī rajjuścorarajjuśca rāṣṭram // (3.1) Par.?

suvarṇarajatavajramaṇimuktāpravālaśaṅkhalohalavaṇabhūmiprastararasadhātavaḥ khaniḥ // (4.1) Par.?

puṣpaphalavāṭaṣaṇḍakedāramūlavāpāḥ setuḥ // (5.1) Par.?

paśumṛgadravyahastivanaparigraho vanam // (6.1) Par.?

gomahiṣam ajāvikaṃ kharoṣṭram aśvāśvataraṃ ca vrajaḥ // (7.1) Par.?

sthalapatho vāripathaśca vaṇikpathaḥ // (8.1) Par.?

ityāyaśarīram // (9.1) Par.?

mūlyaṃ bhāgo vyājī parighaḥ kﾱptaṃ rūpikam atyayaścāyamukham // (10.1) Par.?

devapitṛpūjādānārtham svastivācanam antaḥpuram mahānasam dūtaprāvartimam koṣṭhāgāram āyudhāgāram paṇyagṛham kupyagṛham karmānto viṣṭiḥ pattyaśvarathadvipaparigraho gomaṇḍalam paśumṛgapakṣivyālavāṭāḥ kāṣṭhatṛṇavāṭāśceti vyayaśarīram // (11.1) Par.?

rājavarṣaṃ māsaḥ pakṣo divasaśca vyuṣṭam varṣāhemantagrīṣmāṇāṃ tṛtīyasaptamā divasonāḥ pakṣāḥ śeṣāḥ pūrṇāḥ pṛthagadhimāsakaḥ iti kālaḥ // (12.1) Par.?

karaṇīyaṃ siddhaṃ śeṣam āyavyayau nīvī ca // (13.1) Par.?

saṃsthānaṃ pracāraḥ śarīrāvasthāpanam ādānaṃ sarvasamudayapiṇḍaḥ saṃjātaṃ etat karaṇīyam // (14.1) Par.?

kośārpitaṃ rājahāraḥ puravyayaśca praviṣṭaṃ paramasaṃvatsarānuvṛttaṃ śāsanamuktaṃ mukhājñaptaṃ cāpātanīyaṃ etat siddham // (15.1) Par.?

siddhikarmayogaḥ daṇḍaśeṣam āharaṇīyaṃ balātkṛtapratiṣṭabdham avamṛṣṭaṃ ca praśodhyaṃ etaccheṣam asāram alpasāraṃ ca // (16.1) Par.?

vartamānaḥ paryuṣito 'nyajātaścāyaḥ // (17.1) Par.?

divasānuvṛtto vartamānaḥ // (18.1) Par.?

paramasāṃvatsarikaḥ parapracārasaṃkrānto vā paryuṣitaḥ // (19.1) Par.?

naṣṭaprasmṛtam āyuktadaṇḍaḥ pārśvaṃ pārihīṇikam aupāyanikaṃ ḍamaragatakasvam aputrakaṃ nidhiścānyajātaḥ // (20.1) Par.?

vikṣepavyādhitāntarārambhaśeṣaṃ ca vyayapratyāyaḥ // (21.1) Par.?

vikriye paṇyānām arghavṛddhir upajā mānonmānaviśeṣo vyājī krayasaṃgharṣe vārdhavṛddhiḥ ityāyaḥ // (22.1) Par.?

nityo nityotpādiko lābho lābhotpādika iti vyayaḥ // (23.1) Par.?

divasānuvṛtto nityaḥ // (24.1) Par.?

pakṣamāsasaṃvatsaralābho lābhaḥ // (25.1) Par.?

tayor utpanno nityotpādiko lābhotpādika iti vyayaḥ // (26.1) Par.?

saṃjātād āyavyayaviśuddhā nīvī prāptā cānuvṛttā ca // (27.1) Par.?

evaṃ kuryāt samudayaṃ vṛddhiṃ cāyasya darśayet / (28.1) Par.?

hrāsaṃ vyayasya ca prājñaḥ sādhayecca viparyayam // (28.2) Par.?

Duration=0.060436010360718 secs.