Texts

yogāṅgānyaṣṭāvabhidhāyiṣyamāṇāni // (1.1) Par.?

teṣām anuṣṭhānāt pañcaparvaṇo viparyayasyāśuddhirūpasya kṣayo nāśaḥ // (2.1) Par.?

tatkṣaye samyagjñānasyābhivyaktiḥ // (3.1) Par.?

yathā yathā ca sādhanāny anuṣṭhīyante tathā tathā tanutvam aśuddhir āpadyate // (4.1) Par.?

yathā yathā ca kṣīyate tathā tathā kṣayakramānurodhinī jñānasyāpi dīptir vivardhate // (5.1) Par.?

sā khalv eṣā vivṛddhiḥ prakarṣam anubhavaty ā vivekakhyāteḥ // (6.1) Par.?

ā guṇapuruṣasvarūpavijñānād ityarthaḥ // (7.1) Par.?

yogāṅgānuṣṭhānam aśuddher viyogakāraṇam yathā paraśuśchedyasya // (8.1) Par.?

vivekakhyātes tu prāptikāraṇaṃ yathā dharmaḥ sukhasya nānyathā kāraṇam // (9.1) Par.?

kati caitāni kāraṇāni śāstre bhavanti // (10.1) Par.?

navaivety āha // (11.1) Par.?

tad yathā / (12.1) Par.?

utpattisthityabhivyaktivikārapratyayāptayaḥ / (12.2) Par.?

viyogānyatvadhṛtayaḥ kāraṇaṃ navadhā smṛtam // (12.3) Par.?

iti // (13.1) Par.?

tatrotpattikāraṇaṃ mano bhavati vijñānasya // (14.1) Par.?

sthitikāraṇaṃ manasaḥ puruṣārthatā śarīrasyevāhāra iti // (15.1) Par.?

abhivyaktikāraṇaṃ yathā rūpasyālokas tathā rūpajñānam // (16.1) Par.?

vikārakāraṇaṃ manaso viṣayāntaram yathāgniḥ pākyasya // (17.1) Par.?

pratyayakāraṇaṃ dhūmajñānam agnijñānasya // (18.1) Par.?

prāptikāraṇaṃ yogāṅgānuṣṭhānaṃ vivekakhyāteḥ // (19.1) Par.?

viyogakāraṇaṃ tad evāśuddheḥ // (20.1) Par.?

anyatvakāraṇaṃ yathā suvarṇasya suvarṇakāraḥ // (21.1) Par.?

evam ekasya strīpratyayasyāvidyā mūḍhatve dveṣo duḥkhatve rāgaḥ sukhatve tattvajñānaṃ mādhyasthye // (22.1) Par.?

dhṛtikāraṇaṃ śarīram indriyāṇām tāni ca tasya // (23.1) Par.?

mahābhūtāni śarīrāṇām tāni ca parasparaṃ sarveṣām // (24.1) Par.?

tairyagyaunamānuṣadaivatāni ca parasparārthatvād iti // (25.1) Par.?

evaṃ nava kāraṇāni // (26.1) Par.?

tāni ca yathāsaṃbhavaṃ padārthāntareṣv api yojyāni // (27.1) Par.?

yogāṅgānuṣṭhānaṃ tu dvidhaiva kāraṇatvaṃ labhata iti // (28.1) Par.?

tatra yogāṅgānyavadhāryante // (29.1) Par.?