Texts

agnir uvāca / (1.1) Par.?

jitahasto jitamatirjitadṛglakṣyasādhakaḥ / (1.2) Par.?

niyatāṃ siddhimāsādya tato vāhanamāruhet // (1.3) Par.?

daśahasto bhavet pāśo vṛttaḥ karamukhas tathā / (2.1) Par.?

guṇakārpāsamuñjānāṃ bhaṅgasnāyvarkavarmiṇām // (2.2) Par.?

anyeṣāṃ sudṛḍhānāṃ ca sukṛtaṃ pariveṣṭitam / (3.1) Par.?

tathā triṃśatsamaṃ pāśaṃ budhaḥ kuryāt suvartitam // (3.2) Par.?

kartavyaṃ śikṣakaistasya sthānaṃ kakṣāsu vai tadā / (4.1) Par.?

vāmahastena saṃgṛhya dakṣiṇenoddharettataḥ // (4.2) Par.?

kuṇḍalasyākṛtiṃ kṛtvā bhrāmyakaṃ mastakopari / (5.1) Par.?

kṣipet tūrṇamaye tūrṇaṃ puruṣe carmaveṣṭite // (5.2) Par.?

valgite ca plute caiva tathā pravrajiteṣu ca / (6.1) Par.?

samayogavidhiṃ kṛtvā prayuñjīta suśikṣitam // (6.2) Par.?

vijitvā tu yathānyāyaṃ tato bandhaṃ samācaret / (7.1) Par.?

kaṭyāṃ baddhvā tataḥ khaḍgaṃ vāmapārśvāvalambitam // (7.2) Par.?

dṛḍhaṃ vigṛhya vāmena niṣkarṣeddakṣiṇena tu / (8.1) Par.?

ṣaḍaṅgulaparīṇāhaṃ saptahastasamucchritaṃ // (8.2) Par.?

ayomayyaḥ śalākāś ca varmāṇi vividhāni ca / (9.1) Par.?

ardhahaste same caiva tiryagūrdhvagataṃ tathā // (9.2) Par.?

yojayedvidhinā yena tathātvaṅgadataḥ śṛṇu / (10.1) Par.?

tūṇacarmāvanaddhāṅgaṃ sthāpayitvā navaṃ dṛḍhaṃ // (10.2) Par.?

kareṇādāya lagūḍaṃ dakṣiṇāṅgulakaṃ navaṃ / (11.1) Par.?

udyamya ghātayedyasya nāśastena śiśordṛḍhaṃ // (11.2) Par.?

ubhābhyāmatha hastābhyāṃ kuryāttasya nipātanaṃ / (12.1) Par.?

akleśena tataḥ kurvan badhe siddhiḥ prakīrtitā // (12.2) Par.?

vāhānāṃ śramakaraṇaṃ pracārārthaṃ purā tava // (13.1) Par.?

ityāgneye mahāpurāṇe dhanurvedo nāma pañcāśadadhikadviśatatamo 'dhyāyaḥ // (14.1) Par.?