Texts

tā vā etāś catustriṃśad vyāhṛtayo bhavanti prāyaścittayo nāma / (1.1) Par.?

eṣa vai prajāpatir ya eṣa yajñas tāyate yasmād imāḥ prajāḥ prajātāḥ / (1.2) Par.?

etam v evāpy etarhy anu prajāyante // (1.3) Par.?

aṣṭau vasava ekādaśa rudrā dvādaśādityā ime eva dyāvāpṛthivī trayastriṃśyau / (2.1) Par.?

trayastriṃśad vai devāḥ / (2.2) Par.?

prajāpatiś catustriṃśaḥ / (2.3) Par.?

tad enam prajāpatiṃ karoti / (2.4) Par.?

etad vā asti / (2.5) Par.?

etaddhy amṛtam / (2.6) Par.?

yaddhy amṛtaṃ taddhyasti / (2.7) Par.?

etad u tad yan martyaṃ sa eṣa prajāpatiḥ / (2.8) Par.?

sarvaṃ vai prajāpatiḥ / (2.9) Par.?

tad enam prajāpatiṃ karoti / (2.10) Par.?

tasmād etāś catustriṃśad vyāhṛtayo bhavanti prāyaścittayo nāma // (2.11) Par.?

tā haike yajñatanva ity ācakṣate / (3.1) Par.?

yajñasya ha tv evaitāni parvāṇi / (3.2) Par.?

sa eṣa yajñas tāyamāna etā eva devatā bhavann eti // (3.3) Par.?

sa yadi gharmadughā hvaled anyām upasaṃkrāmeyuḥ / (4.1) Par.?

sa yasyām evainaṃ velāyām purā pinvayanti tad vaivainām udīcīṃ sthāpayed agreṇa vā śālām prācīm // (4.2) Par.?

tad ye ete abhitaḥ pucchakāṇḍaṃ śikhaṇḍāsthe ucchayāte tayor yad dakṣiṇaṃ tasminn etāś catustriṃśatam ājyāhutīr juhoti / (5.1) Par.?

etāvān vai sarvo yajño yāvatya etāś catustriṃśad vyāhṛtayo bhavanti / (5.2) Par.?

tad asyāṃ kṛtsnam eva sarvaṃ yajñaṃ dadhāti / (5.3) Par.?

eṣā hy ato gharmam pinvate / (5.4) Par.?

eṣo tatra prāyaścittiḥ kriyate // (5.5) Par.?

atha yad yajñasya hvalet tat samanvīkṣya juhuyād dīkṣopasatsv āhavanīye prasuta āgnīdhre / (6.1) Par.?

vi vā etad yajñasya parva sraṃsate yaddhvalati / (6.2) Par.?

sā yaiva tarhi tatra devatā bhavati tayaivaitad bhiṣajyati tayā saṃdadhāti // (6.3) Par.?

atha yadi skandet tad adbhir upaninayet / (7.1) Par.?

adbhir vā idaṃ sarvam āptaṃ sarvasyaivāptyai vaiṣṇavavāruṇyarcā / (7.2) Par.?

yad vā idaṃ kiṃ cārcchati varuṇa evedaṃ sarvam ārpayati / (7.3) Par.?

yayor ojasā skabhitā rajāṃsi vīryebhir vīratamā śaviṣṭhā yā patyete apratītā sahobhir viṣṇū agan varuṇā pūrvahūtāv iti / (7.4) Par.?

yajño vai viṣṇuḥ / (7.5) Par.?

tasyaitad ārcchati / (7.6) Par.?

varuṇo vā ārpayitā / (7.7) Par.?

tad yasyāś caivaitad devatāyā ārcchati yo ca devatārpayati tābhyām avaitad ubhābhyām bhiṣajyaty ubhābhyāṃ saṃdadhāti // (7.8) Par.?

atho abhy eva mṛśed devān divam agan yajñas tato mā draviṇam aṣṭu manuṣyān antarikṣam agan yajñas tato mā draviṇam aṣṭu pitṝn pṛthivīm agan yajñas tato mā draviṇam aṣṭu / (8.1) Par.?

yaṃ kaṃ ca lokam agan yajñas tato me bhadram abhūd ity evaitad āha // (8.2) Par.?

taddha smaitad āruṇir āha kiṃ sa yajeta yo yajñasya vyṛddhyā pāpīyān manyeta / (9.1) Par.?

yajñasya vā ahaṃ vyṛddhyā śreyān bhavāmīti / (9.2) Par.?

etaddha sma sa tad abhyāha yad etā āśiṣa upagacchati // (9.3) Par.?