Texts

pitryam āyuṣyaṃ svargyaṃ yaśasyaṃ puṣṭikarma ca // (1.1) Par.?

trimadhus triṇāciketas trisuparṇaḥ pañcāgniḥ ṣaḍaṅgavicchīrṣako jyeṣṭhasāmakaḥ snātaka iti paṅktipāvanāḥ // (2.1) Par.?

tadabhāve rahasyavit // (3.1) Par.?

ṛco yajūṃṣi sāmānīti śrāddhasya mahimā / (4.1) Par.?

tasmād evaṃvidaṃ sapiṇḍam apy āśayet // (4.2) Par.?

rākṣoghnāni ca sāmāni svadhāvanti yajūṃṣi ca / (5.1) Par.?

madhvṛco 'tha pavitrāṇi śrāvayed āśayañśanaiḥ // (5.2) Par.?

caraṇavato 'nūcānān yonigotramantrāsaṃbaddhāñ śucīn mantravatas tryavarān ayujaḥ pūrvedyuḥ prātar eva vā nimantrya sadarbhopakﾱpteṣv āsaneṣu prāṅmukhān upaveśayaty udaṅmukhān vā // (6.1) Par.?

athaināṃs tilamiśrā apaḥ pratigrāhya gandhair mālyaiś cālaṃkṛtya / (7.1) Par.?

agnau kariṣyāmīti / (7.2) Par.?

anujñāto 'gnim upasamādhāya saṃparistīryāgnimukhāt kṛtvānnasyaiva tisra āhutīr juhoti / (7.3) Par.?

somāya pitṛpītāya svadhā namaḥ svāhā / (7.4) Par.?

yamāyāṅgirasvate pitṛmate svadhā namaḥ svāhā / (7.5) Par.?

agnaye kavyavāhanāya sviṣṭakṛte svadhā namaḥ svāheti // (7.6) Par.?

taccheṣeṇānnam abhighāryānnasyaitā eva tisro juhuyāt // (8.1) Par.?

vayasāṃ piṇḍaṃ dadyāt // (9.1) Par.?

vayasāṃ hi pitaraḥ pratimayā carantīti vijñāyate // (10.1) Par.?

athetarat sāṅguṣṭhena pāṇinābhimṛśati // (11.1) Par.?

pṛthivīsamantasya te 'gnir upadraṣṭarcas te mahimā dattasyāpramādāya pṛthivī te pātraṃ dyaur apidhānaṃ brahmaṇas tvā mukhe juhomi brāhmaṇānāṃ tvā vidyāvatāṃ prāṇāpānayor juhomy akṣitam asi mā pitṝṇāṃ kṣeṣṭhā amutrāmuṣmiṃl loka iti / (12.1) Par.?

antarikṣasamantasya te vāyur upaśrotā yajūṃṣi te mahimā dattasyāpramādāya pṛthivī te pātraṃ dyaur apidhānaṃ brahmaṇas tvā mukhe juhomi brāhmaṇānāṃ tvā vidyāvatāṃ prāṇāpānayor juhomy akṣitam asi mā pitāmahānāṃ kṣeṣṭhā amutrāmuṣmiṃl loka iti / (12.2) Par.?

dyusamantasya ta ādityo 'nukhyātā sāmāni te mahimā dattasyāpramādāya pṛthivī te pātraṃ dyaur apidhānaṃ brahmaṇas tvā mukhe juhomi brāhmaṇānāṃ tvā vidyāvatāṃ prāṇāpānayor juhomy akṣitam asi mā prapitāmahānāṃ kṣeṣṭhā amutrāmuṣmiṃl loka iti // (12.3) Par.?