Texts
Select a text:
Bibliography
Bibliography
Select a chapter:
(no revisions)
Show parallels Show headlines
Use dependency labeler
(no revisions)
Associated topic(s): ātman
Show parallels Show headlines
Use dependency labeler
Chapter id: 9129
- Click on a sentence to show its analysis
- Keep the mouse pointer over a lemma to show its meanings.
janako ha vaidehaḥ kūrcād upāvasarpann uvāca namas te 'stu yājñavalkya / (1.1) Par.?
anu mā śādhīti / (1.2) Par.?
sa hovāca yathā vai samrāṇ mahāntam adhvānam eṣyan rathaṃ vā nāvaṃ vā samādadītaivam evaitābhir upaniṣadbhiḥ samāhitātmāsi / (1.3) Par.?
evaṃ vṛndāraka āḍhyaḥ sann adhītaveda uktopaniṣatka ito vimucyamānaḥ kva gamiṣyasīti / (1.4) Par.?
nāhaṃ tad bhagavan veda yatra gamiṣyāmīti / (1.5) Par.?
atha vai te 'haṃ tad vakṣyāmi yatra gamiṣyasīti / (1.6) Par.?
bravītu bhagavān iti // (1.7) Par.?
indho ha vai nāmaiṣa yo 'yaṃ dakṣiṇe 'kṣan puruṣaḥ / (2.1) Par.?
taṃ vā etam indhaṃ santam indra ity ācakṣate parokṣeṇaiva / (2.2) Par.?
parokṣapriyā iva hi devāḥ pratyakṣadviṣaḥ // (2.3) Par.?
athaitad vāme 'kṣaṇi puruṣarūpam eṣāsya patnī virāṭ / (3.1) Par.?
tayor eṣa saṃstāvo ya eṣo 'ntar hṛdaya ākāśaḥ / (3.2) Par.?
athainayor etad annaṃ ya eṣo 'ntar hṛdaye lohitapiṇḍaḥ / (3.3) Par.?
athainayor etat prāvaraṇaṃ yad etad antar hṛdaye jālakam iva / (3.4) Par.?
athainayor eṣā sṛtiḥ saṃcaraṇī yaiṣā hṛdayād ūrdhvā nāḍy uccarati / (3.5) Par.?
yathā keśaḥ sahasradhā bhinna evam asyaitā hitā nāma nāḍyo 'ntar hṛdaye pratiṣṭhitā bhavanti / (3.6) Par.?
etābhir vā etad āsravad āsravati / (3.7) Par.?
tasmād eṣa praviviktāhāratara iva bhavaty asmācchārīrād ātmanaḥ // (3.8) Par.?
tasya prācī dik prāñcaḥ prāṇāḥ / (4.1) Par.?
dakṣiṇā dig dakṣiṇe prāṇāḥ / (4.2) Par.?
pratīcī dik pratyañcaḥ prāṇāḥ / (4.3) Par.?
udīcī dig udañcaḥ prāṇāḥ / (4.4) Par.?
ūrdhvā dig ūrdhvāḥ prāṇāḥ / (4.5) Par.?
avācī dig avāñcaḥ prāṇāḥ / (4.6) Par.?
sarvā diśaḥ sarve prāṇāḥ / (4.7) Par.?
sa eṣa neti nety ātmā / (4.8) Par.?
agṛhyo na hi gṛhyate / (4.9) Par.?
aśīryo na hi śīryate / (4.10) Par.?
asaṅgo na hi sajyate / (4.11) Par.?
asito na vyathate / (4.12) Par.?
na riṣyati / (4.13) Par.?
abhayaṃ vai janaka prāpto 'sīti hovāca yājñavalkyaḥ / (4.14) Par.?
sa hovāca janako vaideho 'bhayaṃ tvā gacchatād yājñavalkya yo no bhagavann abhayaṃ vedayase / (4.15) Par.?
namas te 'stu / (4.16) Par.?
ime videhā ayam aham asmīti // (4.17) Par.?
Duration=0.057260036468506 secs.