Texts

Help

Select a text:
Bibliography

Select a chapter:
(no revisions)

Associated topic(s): Soma sacrifice, āśvina

Show parallels Show headlines
Use dependency labeler

Chapter id: 11724

Click on a sentence to show its analysis
Keep the mouse pointer over a lemma to show its meanings.

aśvatarīrathenāgnir ājim adhāvat tāsām prājamāno yonim akūﾱayat tasmāt tā na vijāyante // (1) Par.?

gobhir aruṇair uṣā ājim adhāvat tasmād uṣasy āgatāyām aruṇam ivaiva prabhāty uṣaso rūpam // (2) Par.?

aśvarathenendra ājim adhāvat tasmāt sa uccairghoṣa upabdimān kṣatrasya rūpam aindro hi sa // (3) Par.?

gardabharathenāśvinā udajayatām aśvināv āśnuvātāṃ yad aśvinā udajayatām aśvināv āśnuvātāṃ tasmāt sa sṛtajavo dugdhadohaḥ sarveṣām etarhi vāhanānām anāśiṣṭho retasas tv asya vīryaṃ nāharatāṃ tasmāt sa dviretā vājī // (4) Par.?

tad āhuḥ sapta sauryāṇi chandāṃsi śaṃsed yathaivāgneyaṃ yathoṣasyaṃ yathāśvinaṃ sapta vai devalokāḥ sarveṣu devalokeṣu rādhnotīti // (5) Par.?

tattan nādṛtyaṃ trīṇy eva śaṃset trayo vā ime trivṛto lokā eṣām eva lokānām abhijityai // (6) Par.?

tad āhur ud u tyaṃ jātavedasam iti sauryāṇi pratipadyeteti // (7) Par.?

tat tan nādṛtyaṃ yathaiva gatvā kāṣṭhām aparādhnuyāt tādṛk tat // (8) Par.?

sūryo no divas pātv ity etenaiva pratipadyeta yathaiva gatvā kāṣṭhām abhipadyeta tādṛk tat // (9) Par.?

ud u tyaṃ jātavedasam iti dvitīyaṃ śaṃsati // (10) Par.?

citraṃ devānām ud agād anīkam iti traiṣṭubham asau vāva citraṃ devānām udeti tasmād etacchaṃsati // (11) Par.?

namo mitrasya varuṇasya cakṣasa iti jāgataṃ tadvāśīḥpadam āśiṣam evaitenāśāsta ātmane ca yajamānāya ca // (12) Par.?

Duration=0.024831056594849 secs.