Texts

Help

Select a text:
Bibliography
Select a chapter:
 (no revisions)
Show parallels  Show headlines
Use dependency labeler
Chapter id: 14374
  • Click on a sentence to show its analysis
  • Keep the mouse pointer over a lemma to show its meanings.
parvatāś ca me girayaś ca me // (1) Par.?
sikatāś ca me vanaspatayaś ca me // (2) Par.?
aśmā ca me mṛttikā ca me // (3) Par.?
hiraṇyaṃ ca me 'yaś ca me // (4) Par.?
sīsaṃ ca me trapu ca me // (5) Par.?
śyāmaṃ ca me lohitāyasaṃ ca me // (6) Par.?
agniś ca mā āpaś ca me // (7) Par.?
oṣadhayaś ca me vīrudhaś ca me // (8) Par.?
kṛṣṭapacyāś ca me 'kṛṣṭapacyāś ca me // (9) Par.?
grāmyāś ca me paśava āraṇyāś ca yajñena kalpantām // (10) Par.?
vittaṃ ca me vittiś ca me // (11) Par.?
bhūtaṃ ca me bhūtiś ca me // (12) Par.?
arthaś ca mā ema ca me // (13) Par.?
ityā ca me gatiś ca me // (14) Par.?
karma ca me śaktiś ca me // (15) Par.?
vasu ca me vasatiś ca me // (16) Par.?
agniś ca mā indraś ca me // (17) Par.?
somaś ca mā indraś ca me // (18) Par.?
savitā ca mā indraś ca me // (19) Par.?
sarasvatī ca mā indraś ca me // (20) Par.?
pūṣā ca mā indraś ca me // (21) Par.?
aditiś ca mā indraś ca me // (22) Par.?
dhātā ca mā indraś ca me // (23) Par.?
tvaṣṭā ca mā indraś ca me // (24) Par.?
mitraś ca mā indraś ca me // (25) Par.?
varuṇaś ca mā indraś ca me // (26) Par.?
viṣṇuś ca mā indraś ca me // (27) Par.?
bṛhaspatiś ca mā indraś ca me // (28) Par.?
vasavaś ca mā indraś ca me // (29) Par.?
rudrāś ca mā indraś ca me // (30) Par.?
ādityāś ca mā indraś ca me // (31) Par.?
marutaś ca mā indraś ca me // (32) Par.?
pṛthivī ca mā indraś ca me // (33) Par.?
antarikṣaṃ ca mā indraś ca me // (34) Par.?
dyauś ca mā indraś ca me // (35) Par.?
nakṣatrāṇi ca mā indraś ca me // (36) Par.?
samā ca mā indraś ca me // (37) Par.?
kṛṣiś ca mā indraś ca me // (38) Par.?
vṛṣṭiś ca mā indraś ca me // (39) Par.?
diśaś ca mā indraś ca me // (40) Par.?
viśve ca me devā indraś ca me // (41) Par.?
aṃśuś ca me raśmiś ca me // (42) Par.?
adhipatiś ca me 'dābhyaś ca me // (43) Par.?
upāṃśuś ca me 'ntaryāmaś ca me // (44) Par.?
aindravāyavaś ca me maitrāvaruṇaś ca me // (45) Par.?
āśvinaś ca me pratiprasthānaś ca me // (46) Par.?
śukraś ca me manthī ca me // (47) Par.?
āgrāyaṇaś ca me vaiśvadevaś ca me // (48) Par.?
aindrāgnaś ca me kṣullakavaiśvadevaś ca me // (49) Par.?
dhruvaś ca me vaiśvānaraś ca me // (50) Par.?
marutvatīyāś ca me niṣkevalyaś ca me // (51) Par.?
sāvitraś ca me sārasvataś ca me // (52) Par.?
pātnīvataś ca me hāriyojanaś ca me // (53) Par.?
srucaś ca me camasāś ca me // (54) Par.?
vāyavyāni ca me droṇakalaśaś ca me // (55) Par.?
adhiṣavaṇe ca me grāvāṇaś ca me // (56) Par.?
pūtabhṛc ca me 'pūtabhṛc ca me // (57) Par.?
barhiś ca me vediś ca me // (58) Par.?
avabhṛthaś ca me svagākāraś ca me // (59) Par.?
Duration=0.22001099586487 secs.