Texts

savanāny evendrāgnī anuprāviśatām // (1) Par.?

tato vai tān mṛtyuḥ pāpmā na nirajānāt // (2) Par.?

kuto hi tasya mṛtyuḥ pāpmeśiṣyate yaṃ na nirjānāti // (3) Par.?

na hainaṃ mṛtyuḥ pāpmānuvindati ya evaṃ veda // (4) Par.?

chandāṃsi vāva tān mṛtyoḥ pāpmano 'cchādayan // (5) Par.?

tad yad enāñ chandāṃsi mṛtyoḥ pāpmano 'cchādayaṃs tac chandasāṃ chandastvam // (6) Par.?

chādayanty evainaṃ chandāṃsi mṛtyoḥ pāpmano ya evaṃ veda // (7) Par.?

tad yena yena ha vai chandasaivaṃvid ārtvijyaṃ karoti tat tad eva sa tarhi prapanno bhavati // (8) Par.?

yena yena hy evainaṃ chandasā kurvantam upavadati tasmād āvṛścyate // (9) Par.?

tasya haitasya naiva kā canārtir asti ya evaṃ veda // (10) Par.?

ya evainam upavadati sa ārtim ārcchati // (11) Par.?

atha horjo jānāyanaḥ kapivanaṃ bhauvāyanaṃ papraccha yad gāyatraṃ prātassavanaṃ traiṣṭubhaṃ mādhyaṃdinaṃ savanaṃ jāgataṃ tṛtīyasavanam atha keyam anuṣṭub ayātayāmnī savanamukhāny upāpataty āntād yajñaṃ vahatīti // (12) Par.?

sa hovāca vāg vā anuṣṭup // (13) Par.?

vāco yajñas tāyate // (14) Par.?

tad yathā vā ado bhadrabalīvardena rajjvabhihitena punaḥ punaḥ pratidhāvanti pratikūlāya vā gurave vodvoḍhava evaṃ vā etāṃ vācam anuṣṭubhaṃ savanamukheṣu pariyāṇāyaiva yuñjanti // (15) Par.?

pratikūlānīva vā etāni yat savanamukhāni // (16) Par.?

saiṣā vāg evāyātayāmny āntād yajñaṃ vahati // (17) Par.?

yo vā anuṣṭubhaṃ sarvatrāpīdaṃ veda sarvatra hāsyāpi puṇye bhavati // (18) Par.?

aṣṭākṣarā gāyatrī // (19) Par.?

ekādaśākṣarā triṣṭup // (20) Par.?

dvādaśākṣarā jagatī // (21) Par.?

vāg iti yajñāyajñīyasya nidhanam // (22) Par.?

tad dvātriṃśat // (23) Par.?

dvātriṃśadakṣarānuṣṭup // (24) Par.?

api vā etasyai prātassavane 'pi mādhyaṃdine savane 'pi tṛtīyasavane // (25) Par.?

api vā etasyai brahmaṇy api kṣatre 'pi viśi // (26) Par.?

api vā etasyā asmin loke 'py antarikṣe 'py amuṣmin // (27) Par.?

sa ya evam etām anuṣṭubhaṃ sarvatrāpīdaṃ veda sarvatra haivāsyāpi puṇye bhavati // (28) Par.?