Texts

Help

Select a text:
Bibliography
Select a chapter:
 (no revisions)
Associated topic(s): penance, prāyaścitta, prāyaścitta

Show parallels  Show headlines
Use dependency labeler
Chapter id: 14293
  • Click on a sentence to show its analysis
  • Keep the mouse pointer over a lemma to show its meanings.
p. 81
athāto 'bhyuddṛṣṭānīty ācakṣate // (1) Par.?
adya sāyam amāvāsyā bhaviṣyatīti na pratiharaṇāya ca sa syāt // (2) Par.?
atha sa yo 'nyo brūyād adarśaṃ cādya paścād iti taṃ tu kim iti brūyāt // (3) Par.?
atha vā sa syād evādhas // (4) Par.?
tām eva prāyaścittiṃ kṛtvā yajeteti dvaipāyanaḥ // (5) Par.?
kṛtasya vai prāyaścittir bhavatīti lāṅgaliḥ // (6) Par.?
yena pathā vaivasvato yamo rājā no yayau agnir nas tena nayatu prajānan vaiśvānaraḥ pathikṛd viśvagṛṣṭiḥ // (7) Par.?
samāpyaiva tena haviṣā yad daivataṃ taddhaviḥ syāt // (8) Par.?
athānyaddhavir nirvapet // (9) Par.?
agnaye pathikṛte puroḍāśam indrāya vṛtraghne puroḍāśaṃ vaiśvānaraṃ dvādaśakapālaṃ puroḍāśaṃ // (10) Par.?
nityāḥ purastāddhomāḥ // (11) Par.?
saṃsthitahomeṣu tvam agne saprathā asi // (12) Par.?
yena pathā vaivasvataḥ // (13) Par.?
śāsa itthā mahān asi // (14) Par.?
vaiśvānaro na ūtaya iti madhyata opya saṃsrāvabhāgaiḥ saṃsthāpayet // (15) Par.?
mahāpāthikṛtīty ācakṣate // (16) Par.?
ubhayor api pattayoḥ // (17) Par.?
tad āhur na te vidur ye tathā kurvanti // (18) Par.?
atha nu katham iti // (19) Par.?
gārhapatyājyaṃ vilāyotpūya caturgṛhītaṃ gṛhītvāhavanīyagārhapatyāv antareṇātivrajya juhuyāt // (20) Par.?
asau ya udayāt puro vasāno nīlalohito 'tha dṛṣṭam adṛṣṭaṃ no duṣkṛtaṃ tat svāheti // (21) Par.?
evam evābhyuddṛṣṭe // (22) Par.?
asau ya udayāt paścād vasāno nīlalohito tya 'tha dṛṣṭam adṛṣṭaṃ no duṣkṛtaṃ karat svāheti // (23) Par.?
sa ya evam etena tejasājyena yaśasā prīṇāti so 'syaiṣa dṛṣṭaḥ prāṇān yaśasā prīṇāti // (24) Par.?
Duration=0.12040185928345 secs.