Texts

ahīnasaṃ hāśvatthiṃ putrā upasametyocuḥ sattrāyāmo vai bhagavo 'nu naḥ śādhīti // (1) Par.?

sa hovāca maivaṃ vocata // (2) Par.?

durupadharṣo vai saṃvatsaraḥ // (3) Par.?

yathā vai rathanābhāv arāḥ pratiṣṭhitā evaṃ vai saṃvatsare sarve mṛtyavaḥ pratiṣṭhitāḥ // (4) Par.?

athaitad evaṃ brūtheti // (5) Par.?

te hocus teṣāṃ vai tvam eva bhiṣag asi tvaṃ prāyaścittir anv eva naḥ śādhīti // (6) Par.?

taddhāsya priyam āsa // (7) Par.?

sa hovācaivaṃ ced brūtha ṣaṭsu sma pratiṣṭhāsu pratitiṣṭhata // (8) Par.?

ṣaḍbhya sma haritmatībhyo meta // (9) Par.?

catuścakraṃ sma pārayiṣṇuṃ samārohata // (10) Par.?

svargasya sma lokasya patho 'ñjasāyanān meta // (11) Par.?

saṃvatsarasya sma vyāptam atiplavadhvam // (12) Par.?

daivyaṃ sma mithunam upeta // (13) Par.?

praspaṣṭāt sma sārthān mā hīyadhvam // (14) Par.?

acyutaṃ sma yajñasya mā cyāvayata // (15) Par.?

yajñasya sma śvastanam upeta // (16) Par.?

vācaṃ sma satyavatīm upeta // (17) Par.?

varṣiṣṭhān smājau yuṅgdhvam uttarāvatīṃ sma śriyam upeta // (18) Par.?

svarge sma loke pratitiṣṭhata // (19) Par.?

grāmāt smāraṇyaṃ meta // (20) Par.?

jñānāt smāvirbhavān meta // (21) Par.?

daivyāt sma vivāhān meta // (22) Par.?

yajñāt sma meteti // (23) Par.?

etāni hainān anuśaśāsa // (24) Par.?

te hocur anu na idam aśiṣaḥ parokṣeṇeva // (25) Par.?

tathā no 'nuśādhi yathedaṃ vijānīyāmeti // (26) Par.?