Texts

Help

Select a text:
Bibliography

Select a chapter:
(no revisions)

Associated topic(s): sacrificial ground, place of sacrifice, devayajana

Show parallels Show headlines
Use dependency labeler

Chapter id: 12082

Click on a sentence to show its analysis
Keep the mouse pointer over a lemma to show its meanings.

athāto devayajanāni // (1) Par.?

ātmā devayajanam // (2) Par.?

śraddhā devayajanam // (3) Par.?

ṛtvijo devayajanam // (4) Par.?

bhaumaṃ devayajanam // (5) Par.?

tad vā etad ātmā devayajanaṃ yad upavyāyacchamāno vānupavyāyacchamāno vā śarīram adhivasati // (6) Par.?

eṣa yajñaḥ // (7) Par.?

eṣa yajataḥ // (8) Par.?

etaṃ yajantaḥ // (9) Par.?

etad devayajanam // (10) Par.?

athaitacchraddhā devayajanam // (11) Par.?

yadaiva kadācid ādadhyāt // (12) Par.?

śraddhā tv evainaṃ nātīyāt // (13) Par.?

tad devayajanam // (14) Par.?

athaitad ṛtvijo devayajanam // (15) Par.?

yatra kvacid brāhmaṇo vidyāvān mantreṇa karoti tad devayajanam // (16) Par.?

athaitad bhaumaṃ devayajanam // (17) Par.?

yatrāpas tiṣṭhanti yatra syandanti pra tad vahanty udvahanti tad devayajanam // (18) Par.?

yat samaṃ samūlam avidagdhaṃ pratiṣṭhitaṃ prāgudakpravaṇaṃ samaṃ samāstīrṇam iva bhavati yasya śvabhra ūrmo vṛkṣaḥ parvato nadī panthā vā purastāt syāt // (19) Par.?

na devayajanamātraṃ purastāt paryavaśiṣyet // (20) Par.?

nottarato 'gneḥ paryupasīderann iti brāhmaṇam // (21) Par.?

Duration=0.19474697113037 secs.