Texts

sarvābhyo devatābhyo yajña āhṛtyā iti // (1) Par.?

āhuḥ // (2) Par.?

sarvo vā eṣa yajñaḥ // (3) Par.?

sarvābhyo hi devatābhyo yajña āhriyate // (4) Par.?

sarvāṇi chandāṃsy anvāha // (5) Par.?

sarvāṇi hi chandāṃsi yajñe prayujyante // (6) Par.?

abhicarann āharet // (7) Par.?

sarvo vā eṣa yajñaḥ // (8) Par.?

sarveṇaivainaṃ yajñenābhicarati // (9) Par.?

adakṣiṇas tu syāt // (10) Par.?

tat svin menim akaḥ // (11) Par.?

menir hy adakṣiṇaḥ // (12) Par.?

atha yo yakṣya ity uktvā na yajeta tam etena yājayet // (13) Par.?

sarvo vā eṣa yajñaḥ // (14) Par.?

sarveṇaivāsmai yajñena prāyaścittiṃ vindati // (15) Par.?

uttarauttaraḥ puroḍāśo jyāyān bhavati // (16) Par.?

uttarauttaro hi loko jyāyān // (17) Par.?

yathā vā iyam evam asau // (18) Par.?

atha vā antarikṣaṃ nāsyā rūpaṃ nāmuṣyāḥ // (19) Par.?

tasmād yavamayo madhyataḥ // (20) Par.?

atho evam iva hy antarikṣasya rūpam // (21) Par.?

dvādaśakapālo bhavati // (22) Par.?

yad vai tristris tat traidhātavyāyāḥ samṛddham // (23) Par.?

sarveṣām atighātam avadyati // (24) Par.?

acchambaṭkārāya // (25) Par.?

yāvatā hi na prāpnuyāt tāvatā chambaṭkuryāt // (26) Par.?

etad vai tad yad āhuś chambaṇ ṇāsā iti // (27) Par.?

vāsa iva vai yajña ūyate // (28) Par.?

yat tārpyāṇi viṣīvyanti yajuṣāṃ tad rūpam // (29) Par.?

yad dhenavo dīyanta ukthāmadānāṃ tat // (30) Par.?

yaddhiraṇyaṃ dīyate candraṃ gīyatā iti vai sāmāhuḥ sāmnāṃ tad rūpam // (31) Par.?

etena vai sṛñjayā ayajanta // (32) Par.?

te śriyo 'ntam agacchan // (33) Par.?

tasmān nātibahu yaṣṭavyam // (34) Par.?

īśvaro hi parāṅ atipattoḥ // (35) Par.?

yo vā etena yajate vi sa chinatti // (36) Par.?

putro yājayitavyaḥ // (37) Par.?

anusaṃtatyai // (38) Par.?