Texts

apeta vīta vi ca sarpatāto ye 'tra stha purāṇā ye ca nūtanāḥ / (1.1) Par.?

adād idaṃ yamo 'vasānaṃ pṛthivyā akrann imaṃ pitaro lokam asmai // (1.2) Par.?

agner bhasmāsi / (2.1) Par.?

agneḥ purīṣam asi / (2.2) Par.?

saṃjñānam asi kāmadharaṇam / (2.3) Par.?

mayi te kāmadharaṇaṃ bhūyāt / (2.4) Par.?

ayaṃ so agnir yasmint somam indraḥ sutaṃ dadhe jaṭhare vāvaśānaḥ / (2.5) Par.?

sahasriyaṃ vājam atyaṃ na saptiṃ sasavānt saṃstūyase jātavedaḥ // (2.6) Par.?

agne divo arṇam acchā jigāsy acchā devān ūciṣe dhiṣṇyā ye / (3.1) Par.?

yāḥ parastād rocanāḥ sūryasya yāś cāvastād upatiṣṭhantā āpaḥ // (3.2) Par.?

agne yat te divi varcaḥ pṛthivyāṃ yat parvateṣv oṣadhīṣv apsu / (4.1) Par.?

yenāntarikṣam urv ātatantha tveṣaḥ sa bhānur arṇavo nṛcakṣaḥ // (4.2) Par.?

purīṣyāso agnayaḥ pravaṇena sajoṣasaḥ / (5.1) Par.?

juṣantāṃ havyam āhutam anamīvā iṣo mahīḥ // (5.2) Par.?

iḍām agne purudaṃsaṃ saniṃ goḥ śaśvattamaṃ havamānāya sādha / (6.1) Par.?

syān naḥ sūnus tanayo vijāvāgne sā te sumatir bhūtv asme // (6.2) Par.?

ayaṃ te / (7.1) Par.?

cid asi / (7.2) Par.?

tayā devatayāṅgirasvad dhruvā sīda / (7.3) Par.?

paricid asi / (7.4) Par.?

tayā devatayāṅgirasvad dhruvā sīda / (7.5) Par.?

citaḥ stha / (7.6) Par.?

paricitaḥ stha / (7.7) Par.?

ūrdhvaśritaḥ śrayadhvam / (7.8) Par.?

samitaṃ saṃkalpethāṃ saṃpriyau rociṣṇū sumanasyamānau / (7.9) Par.?

iṣam ūrjam abhi saṃvasānau // (7.10) Par.?

saṃ vāṃ manāṃsi saṃ vratā sam u cittāny ākaram / (8.1) Par.?

agne purīṣyādhipā bhava tvaṃ nā iṣam ūrjaṃ yajamānāya dhehi // (8.2) Par.?

tvam agne purīṣyo rayimān puṣṭimān asi / (9.1) Par.?

śivāḥ kṛtvā diśaḥ sarvāḥ svaṃ yonim ihāsadaḥ // (9.2) Par.?

bhavataṃ naḥ / (10.1) Par.?

māteva putraṃ pṛthivī purīṣyam agniṃ sve yonā abhār ukhā / (10.2) Par.?

tāṃ viśvair devair ṛtubhiḥ saṃvidānaḥ prajāpatir viśvakarmā vimuñcatu // (10.3) Par.?