Texts

trivṛdvatīṃ purastāt sādayati // (1) Par.?

trivṛd vai yajñamukham // (2) Par.?

mukhato vā etad yajñamukhaṃ dadhāti // (3) Par.?

saptadaśavatīṃ dakṣiṇataḥ // (4) Par.?

annaṃ vai saptadaśaḥ // (5) Par.?

annaṃ vā etad dakṣiṇato dadhāti // (6) Par.?

tasmād dakṣiṇena hastenānnam adyate // (7) Par.?

tasmād dakṣiṇo 'rdha ātmano vīryavattaraḥ // (8) Par.?

tasmād dakṣiṇam ardhaṃ vayāṃsy anuparyāvartante // (9) Par.?

pañcadaśavatīm uttarataḥ // (10) Par.?

ojo vai pañcadaśaḥ // (11) Par.?

ojo vā etad uttarato dadhāti // (12) Par.?

ekaviṃśavatīṃ paścāt pratiṣṭhityai // (13) Par.?

trivṛdvatīṃ purastāt sādayati // (14) Par.?

trivṛd vai yajñamukham // (15) Par.?

mukhato vā etad yajñamukhaṃ dadhāti // (16) Par.?

pañcadaśavatīṃ dakṣiṇataḥ sādayati // (17) Par.?

saptadaśavatīm uttarataḥ // (18) Par.?

pakṣayoḥ savīryatvāya // (19) Par.?

atho sāyatanatvāya // (20) Par.?

tasmād ubhābhyāṃ hastābhyām annam adyate // (21) Par.?

atho vajro vai pañcadaśaḥ // (22) Par.?

vajreṇa vā etad yajamāno bhrātṛvyam ubhayato nirbhajati // (23) Par.?

ekaviṃśavatīṃ paścāt pratiṣṭhityai // (24) Par.?

pratiṣṭhā hy ekaviṃśaḥ // (25) Par.?

arkasya vā eṣa vidhām anuvidhīyate // (26) Par.?

annam akraḥ // (27) Par.?

annādo bhavati yasyaitā upadhīyante // (28) Par.?

agner bhāgo 'si dīkṣāyā ādhipatyaṃ brahma spṛtaṃ trivṛt stomā iti // (29) Par.?

spṛto vai nāmaitā iṣṭakāḥ // (30) Par.?

etābhir vai prajāpatir yadyad akāmayata tattad aspṛṇot // (31) Par.?

yadyad evaitābhir yajamānaḥ kāmayate tattat spṛṇoty ekayāstuvata // (32) Par.?

prajā adhīyanteti // (33) Par.?

sṛṣṭayo vai nāmaitā iṣṭakāḥ // (34) Par.?

etābhir vai prajāpatir yadyad akāmayata tattad asṛjata // (35) Par.?

yadyad evaitābhir yajamānaḥ kāmayate tattat sṛjate // (36) Par.?

agne jātān praṇudā naḥ sapatnān iti // (37) Par.?

purastāt sādayati // (38) Par.?

ya eva jātāḥ sapatnās tān etayā praṇudate // (39) Par.?

praty ajātān jātavedo nudasveti paścāt // (40) Par.?

ya eva jātāḥ sapatnās tān etayā pratinudate // (41) Par.?

tad bhrātṛvyasya vā eṣa vinodaḥ // (42) Par.?

catuścatvāriṃśī stomaḥ // (43) Par.?

varco draviṇam iti dakṣiṇataḥ sādayati // (44) Par.?

ṣoḍaśī stomaḥ // (45) Par.?

ojo draviṇam ity uttarataḥ // (46) Par.?

catuścatvāriṃśadakṣarā vai triṣṭup // (47) Par.?

vajras triṣṭup // (48) Par.?

vajraḥ ṣoḍaśī // (49) Par.?

savyāpagrahaṇo vai vajro dakṣiṇāpraharaṇaḥ // (50) Par.?

savyāpagrahaṇaṃ vā etad vajraṃ dakṣiṇāpraharaṇaṃ yajamāno bhrātṛvyāya praharati // (51) Par.?

purīṣavatīṃ madhyataḥ sādayati // (52) Par.?

purīṣam iva hīdaṃ madhyataḥ paśoḥ // (53) Par.?

purīṣaṃ madhyam ātmanaḥ // (54) Par.?

sātmānam evāgniṃ cinute // (55) Par.?

athaitā virājaḥ // (56) Par.?

vāg vai virāṭ // (57) Par.?

paśavo vā etā iṣṭakāḥ // (58) Par.?

paśuṣu vā etad uttamāṃ vācaṃ dadhāti // (59) Par.?

tasmāt paśumān uttamāṃ vācaṃ vadati // (60) Par.?