Texts

athāto dīkṣā // (1) Par.?

kasya sviddhetor dīkṣita ityācakṣate // (2) Par.?

śreṣṭhāṃ dhiyaṃ kṣiyatīti // (3) Par.?

taṃ vā etaṃ dhīkṣitaṃ santaṃ dīkṣita ity ācakṣate parokṣeṇa // (4) Par.?

parokṣapriyā iva hi devā bhavanti pratyakṣadviṣaḥ // (5) Par.?

kasya sviddhetor dīkṣito 'pratyutthāyiko bhavaty anabhivādukaḥ pratyuttheyo 'bhivādyaḥ // (6) Par.?

ye pratyuttheyā abhivādyās ta enam āviṣṭā bhavanty atharvāṅgirasaḥ // (7) Par.?

tasya kim ātharvaṇam iti // (8) Par.?

yad ātmany eva juhvati na parasmin // (9) Par.?

evaṃ hātharvaṇānām odanasavānām ātmany eva juhvati na parasmin // (10) Par.?

athāsya kim āṅgirasam iti // (11) Par.?

yad ātmanaś ca pareṣāṃ ca nāmāni na gṛhṇāty evaṃ ha tasminnāsād ātmanaś caiva pareṣāṃ ca nāmāni na gṛhyante // (12) Par.?

vicakṣaṇavatīṃ vācaṃ bhāṣante canasitavatīm // (13) Par.?

vicakṣayanti brāhmaṇaṃ canasayanti prājāpatyam // (14) Par.?

saiṣā vratadhug atharvāṅgirasaḥ // (15) Par.?

tāṃ hy anvāyattāḥ // (16) Par.?

kasya sviddhetor dīkṣito 'nāśyanno bhavati nāsya nāma gṛhṇanti // (17) Par.?

annastho nāmastho bhavatīty āhus tasya ye 'nnam adanti te 'sya pāpmānam adanti // (18) Par.?

athāsya ye nāma gṛhṇanti te 'sya nāmnaḥ pāpmānam apāghnate // (19) Par.?

athāpi vedānāṃ garbhabhūto bhavatīty āhuḥ // (20) Par.?

tasyājātasyāvijñātasyākrītasomasyābhojanīyaṃ bhavatīty āhuḥ // (21) Par.?

sa dīkṣāṇāṃ prātar jāyate somaṃ krīṇanti tasya jātasya vijñātasya krītasomasya bhojanīyaṃ bhavatīty āhuḥ // (22) Par.?

kasya sviddhetoḥ saṃsavāḥ parijihīrṣitā bhavanti // (23) Par.?

yataro vīryavattaro bhavati sa parasya yajñaṃ parimuṣṇāti // (24) Par.?

kasya sviddhetor daive na dhyāyet saṃsthite nādhīyīteti // (25) Par.?

saṃsavasyaiva hetor iti // (26) Par.?

vidyotamāne stanayaty atho varṣati vāyavyam abhiṣuṇvanti vai devāḥ somaṃ ca bhakṣayanti // (27) Par.?

tad abhiṣuṇvanti brāhmaṇāḥ śuśruvāṃso 'nūcānāḥ // (28) Par.?

teṣāṃ sarvarasabhakṣāḥ pitṛpitāmahā bhavanti // (29) Par.?

sa daive na dhyāyet saṃsthite nādhīyīteti brāhmaṇam // (30) Par.?