Texts

āṣāḍhām ayaṃ te yonir iti samārohyodavasāya nirmathya varuṇapraghāsāḥ // (1) Par.?

pūrvedyur dakṣiṇāgnau nistuṣām abhṛṣṭayavānāṃ karambhapātrakaraṇam // (2) Par.?

yāvanto yajamānagṛhyā ekādhikāni // (3) Par.?

prajāyāṃ vā jātaśruteḥ // (4) Par.?

trīṇi vā nityatvāt // (5) Par.?

meṣamithunaṃ ca // (6) Par.?

anaiḍakīr ūrṇāḥ prakṣālyāśleṣayet tayoḥ // (7) Par.?

kuśorṇā vābhāve // (8) Par.?

āhavanīyasya purastād vedī karoti // (9) Par.?

prādeśo 'ntarā // (10) Par.?

pṛtho vā // (11) Par.?

rathamātry uttarā // (12) Par.?

caturaratnir vā paścāt sapta prācī ṣaḍ vā trayaḥ purastāt // (13) Par.?

teṣāṃ madhye śaṅkuḥ // (14) Par.?

aparimitā vā // (15) Par.?

sphyādy ā saṃmarśanāt karoti // (16) Par.?

ubhayor eka utkaraḥ // (17) Par.?

apareṇa vediṃ pratiprasthātuḥ saṃcaraḥ // (18) Par.?

uttaravediṃ nivapaty uttarasyām // (19) Par.?

śamyām ādāya cātvālaṃ mimīte pūrveṇotkaraṃ saṃcaraṃ parihāpya // (20) Par.?

śamyām udīcīṃ nidadhāti // (21) Par.?

purastāc ca // (22) Par.?

dakṣiṇataḥ prācīm // (23) Par.?

uttarataś ca // (24) Par.?

sphyenāntarlikhati taptāyanīti pratimantram // (25) Par.?

vided agnir iti cātvāle praharati sphyenānvārabdhe // (26) Par.?

agne aṅgira iti purīṣaṃ harati hastena ca // (27) Par.?

yo 'syām iti nivapati pūrvārdhe śaṅkusahitam // (28) Par.?

agnīd utkaravat tūṣṇīṃ hṛtam // (29) Par.?

evaṃ dvir aparam // (30) Par.?

dvitīyasyāṃ tṛtīyasyām iti viśeṣaḥ // (31) Par.?

anu tveti caturthaṃ yathārtham āhṛtya siṃhy asīti vyūhaty uttaravediṃ śamyāmātrīm // (32) Par.?

vitṛtīyām aparimitāṃ yugamātrīṃ yajamānadaśapadyāṃ vā // (33) Par.?

some vottare vyapasphuraṇaśruteḥ // (34) Par.?

asambhavāc ca // (35) Par.?

madhye nābhiṃ karoti prādeśasamāṃ catuḥsraktim // (36) Par.?

prokṣaty uttaravediṃ sikatāś ca prakirati siṃhy asīti pratimantram // (37) Par.?