Texts

vājine niṣicyobhayoḥ karīrāṇy āvapati śamīpalāśamiśrāṇi // (1) Par.?

meṣamithunaṃ ca // (2) Par.?

mārutyāṃ meṣam // (3) Par.?

sarvāṇi havīṃṣy uttarasyām āsādayati // (4) Par.?

mārutīṃ sahājyāṃ pratiprasthātā dakṣiṇasyām // (5) Par.?

saṃmārjanāya preṣite 'saṃmṛṣṭe pratiprasthātā patnīm āneṣyann āha kena carasīti // (6) Par.?

saṃstutān ācaṣṭe // (7) Par.?

tṛṇāni vodgṛhṇāti yathāsaṃstutam // (8) Par.?

anākhyātam ahitaṃ jñātibhya iti śruteḥ // (9) Par.?

ākhyāte praghāsina ity enāṃ vācayati nayan // (10) Par.?

karambhapātrāṇi juhoti śūrpeṇa mūrdhani kṛtvā dakṣiṇe 'gnau pratyaṅmukhī jāyāpatī vā dakṣiṇenāhṛtya tīrthena pūrveṇa vedim apareṇa vā yad grāma iti // (11) Par.?

mo ṣū ṇa iti yajamāno japati // (12) Par.?

akran karmety enāṃ vācayati pratinayan // (13) Par.?

āgate saṃmārjanādy ājyabhāgābhyām // (14) Par.?

srukpāṇir āste pratiprasthātā // (15) Par.?

havirbhiś carati // (16) Par.?

payasyāpracaraṇakāle meṣau vyatiharataḥ // (17) Par.?

anyatareṇāvadānena saha meṣam // (18) Par.?

savyena srucau gṛhītvā pratiprasthātur vāso dakṣiṇena marudbhyo 'nuvācayati // (19) Par.?

vāruṇīvad avadānam // (20) Par.?

havirbhiś carita ubhau sviṣṭakṛtprabhṛti // (21) Par.?

iḍām avadāya pratiprasthātre prayacchati // (22) Par.?

tatra pratiprasthātā mārutyāḥ // (23) Par.?

sruco vyūhato 'dhvaryū // (24) Par.?

samāsicya vājinabhakṣaḥ // (25) Par.?

adhvaryuvikārātpratiprasthātā bhakṣeṣu // (26) Par.?

maitrāvaruṇaś ca hotradhvaryuvikārāt // (27) Par.?

samiṣṭayajūṃṣi tūṣṇīṃ dakṣiṇasyām // (28) Par.?

vāruṇīniṣkāṣeṇāvabhṛtham // (29) Par.?

tūṣṇīm etyābhyavetya majjayaty avabhṛtheti // (30) Par.?

jāyāpatī snāto 'majjantau // (31) Par.?

anyonyasya pṛṣṭhe dhāvataḥ // (32) Par.?

anye vāsasī paridadhāte // (33) Par.?

pūrve dadyād adhikṛtebhyo yasmā icchet // (34) Par.?

yathetam etyāhavanīye samidādhānaṃ devānāṃ samid asīti // (35) Par.?

patnī ca gārhapatye tūṣṇīm // (36) Par.?

dhenur dakṣiṇā // (37) Par.?

aśvaḥ // (38) Par.?

ṣaṭ // (39) Par.?

dvādaśa vā // (40) Par.?