Texts

paśvijyā saṃvatsare saṃvatsare prāvṛṣi // (1) Par.?

āvṛttimukhayor vā // (2) Par.?

gṛheṣu // (3) Par.?

yūpāhutiṃ juhoti caturgṛhītaṃ sruveṇa voru viṣṇav iti // (4) Par.?

ājyaśeṣam ādāya satakṣā gacchati // (5) Par.?

yūpam abhimṛśaty aty anyān iti // (6) Par.?

prāṅ tiṣṭhann abhimantrayate vā // (7) Par.?

pālāśaṃ bahulaparṇam aśuṣkāgram ūrdhvaśakalaśākhaṃ madhyāgropanatam avraṇam // (8) Par.?

abhāve khadirabilvarauhitakān // (9) Par.?

khadirābhāve soma itarān // (10) Par.?

sruveṇopaspṛśati viṣṇave tveti // (11) Par.?

oṣadha iti kuśataruṇaṃ tiraskṛtya svadhita iti paraśunā praharati // (12) Par.?

prathamaśakalaṃ nidadhāti // (13) Par.?

anakṣastambhaṃ vṛścati // (14) Par.?

ekajam // (15) Par.?

dyāṃ mā lekhīr iti patantam abhimantrayate // (16) Par.?

na dakṣiṇā patet // (17) Par.?

ayaṃ hi tveti śodhanam // (18) Par.?

abhimantraṇaśeṣo vāviśeṣopadeśāt // (19) Par.?

atas tvam ity āvraścane juhoti // (20) Par.?

yūpe vā tatsaṃskārāt // (21) Par.?

sthāṇau śruteś ca // (22) Par.?

parivāsyācchedanaṃ punaḥ // (23) Par.?

tryaratniḥ // (24) Par.?

caturaratnir vā // (25) Par.?

ekāratniprabhṛtīn eke // (26) Par.?

aṣṭāśriṃ karoty uparavarjam // (27) Par.?

agrāc caṣālaṃ pṛthamātram aṣṭāśri madhyasaṃgṛhītam // (28) Par.?

ūrdhvamagre pratimuñcati // (29) Par.?

dvyaṅgulaṃ tryaṅgulaṃ vā tardmātikrāntaṃ yūpasya // (30) Par.?

pañcāratniḥ pañcadaśaparyantaḥ some daśasaptacaturdaśavarjam // (31) Par.?

aparimito vā // (32) Par.?

saptadaśa vājapeye // (33) Par.?

ekaviṃśatir aśvamedhe // (34) Par.?

yathākāyaṃ sthavimā // (35) Par.?

vediṃ kariṣyan ṣaḍḍhotāraṃ pañcagṛhītaṃ manasānudrutya juhoty ekām āhutiṃ pañca vā dyauṣpṛṣṭham antarikṣam ātmāṅgair yajñaṃ pṛthivīṃ śarīrair vācaspate 'chidrayā vācāchidrayā juhvā divi devāvṛdhaṃ hotrām airayant svāheti // (36) Par.?