Texts

Help

Select a text:
Bibliography
Select a chapter:
 (no revisions)
Associated topic(s): soma graha

Show parallels  Show headlines
Use dependency labeler
Chapter id: 14639
  • Click on a sentence to show its analysis
  • Keep the mouse pointer over a lemma to show its meanings.
prajāpatir akāmayata // (1) Par.?
syāt prajāyeyeti // (2) Par.?
sa daśadhātmānaṃ vyadhatta // (3) Par.?
tasya cittis srug āsīc cittam ājyaṃ vāg vedir ādhītaṃ barhiḥ keto agnir vijñātam agnid vācaspatir hotā mana upavaktā prāṇo havis sāmādhvaryuḥ // (4) Par.?
sa daśadhātmānaṃ vidhāya mithunaṃ kṛtvā sa āyatanam aicchat // (5) Par.?
sa trivṛtam evāyatanam acāyat prāṇān // (6) Par.?
tataḥ prajā asṛjata // (7) Par.?
tata ūrdhvo 'nya udatṛṇat pañcadaśo 'vāṅ anyo 'vātṛṇat pañcadaśaḥ // (8) Par.?
ya ūrdhva udatṛṇat sa pūrvapakṣaḥ // (9) Par.?
tena devān asṛjata // (10) Par.?
tam ūrdhvam āpyāyamānaṃ devā ūrdhvā anvāpyāyanta // (11) Par.?
yo 'vāṅ avātṛṇat so 'parapakṣaḥ // (12) Par.?
tenāsurān asṛjata // (13) Par.?
tam apadhvaṃsamānam asurā avāñco 'nuprādhvaṃsanta // (14) Par.?
dakṣiṇaṃ hastam anu devān asṛjata // (15) Par.?
te vīryāvanto 'bhavan // (16) Par.?
savyaṃ hastam anv asurān // (17) Par.?
te mṛddhā abhavan // (18) Par.?
tasmād dakṣiṇo 'rdha ātmano vīryāvattaraḥ // (19) Par.?
satyena devān asṛjata te satyam abhavan // (20) Par.?
anṛtenāsurāṃs te 'nṛtam abhavan // (21) Par.?
ahnā devān asṛjata te śuklaṃ varṇam apuṣyan // (22) Par.?
rātryāsurāṃs te kṛṣṇā abhavan // (23) Par.?
sa vai tad evaicchat // (24) Par.?
yasmin hoṣyāmīti // (25) Par.?
sa indram eva vīryam antarātmann apaśyat // (26) Par.?
sarvam anyaj jātam āsīt // (27) Par.?
sa indraṃ // (28) Par.?
gaccha svāheti // (29) Par.?
apānīt // (30) Par.?
vīryaṃ vai prāṇo vīryam indraḥ // (31) Par.?
vīrya eva vīryam ādadhāt // (32) Par.?
te caturhotrā somagṛhapatayo nyasīdan // (33) Par.?
indraṃ janayāmeti // (34) Par.?
teṣāṃ pṛthivī hotāsīd dyaur adhvaryus tvaṣṭāgnin mitra upavaktā // (35) Par.?
ta etau grahā agṛhṇata // (36) Par.?
ta āyatanam aicchan // (37) Par.?
ta ekaviṃśam evāyatanam acāyan // (38) Par.?
ta indram ajanayan // (39) Par.?
te pañcahotrā varuṇagṛhapatayo nyasīdan // (40) Par.?
svar ayāmeti // (41) Par.?
teṣām agnir hotāsīd aśvinādhvaryū yad aśvinā tena pañcahotrā rudro 'gnid bṛhaspatir upavaktā // (42) Par.?
ta etau grahā agṛhṇata // (43) Par.?
ta āyatanam aicchan // (44) Par.?
te triṇavam evāyatanam acāyan // (45) Par.?
te svar āyan // (46) Par.?
taṃ setuṃ kṛtvā tat paśavo 'sṛjyanta // (47) Par.?
tān devatābhyo 'nayan yamāyāśvam agnaye hiraṇyaṃ rudrāya gāṃ bṛhaspataye vāsa uttānāyāṅgirasāyāprāṇat prajāpataye puruṣam // (48) Par.?
Duration=0.20742988586426 secs.