Texts

upaprayanto adhvaram mantraṃ vocemāgnaye / (1.1) Par.?

āre asme ca śṛṇvate // (1.2) Par.?

asya pratnām anu dyutaṃ śukraṃ duduhre ahrayaḥ / (2.1) Par.?

payaḥ sahasrasām ṛṣim // (2.2) Par.?

agnir mūrdhā divaḥ kakut patiḥ pṛthivyā ayam / (3.1) Par.?

apāṃ retāṃsi jinvati // (3.2) Par.?

ayam iha prathamo dhāyi dhātṛbhir hotā yajiṣṭho adhvareṣv īḍyaḥ / (4.1) Par.?

yam apnavāno bhṛgavo virurucur vaneṣu citraṃ vibhuvaṃ viśe viśe // (4.2) Par.?

ubhā vām indrāgnī āhuvadhyai // (5.1) Par.?

ubhā dātārāv iṣāṃ rayīṇām ubhā vājasya sātaye huve vām / (6.1) Par.?

ayaṃ te yonir ṛtviyo yato jāto arocathāḥ / (6.2) Par.?

taṃ jānann agna ā rohāthā no vardhayā rayim / (6.3) Par.?

agna āyūṃṣi pavasa ā suvorjam iṣaṃ ca naḥ / (6.4) Par.?

āre bādhasva ducchunām // (6.5) Par.?

agne pavasva svapā asme varcaḥ suvīryam // (7.1) Par.?

dadhat poṣaṃ rayiṃ mayi // (8.1) Par.?

agne pāvaka rociṣā mandrayā deva jihvayā / (9.1) Par.?

ā devān vakṣi yakṣi ca // (9.2) Par.?

sa naḥ pāvaka dīdivo 'gne devāṁ ihāvaha / (10.1) Par.?

upa yajñaṃ haviś ca naḥ // (10.2) Par.?

agniḥ śucivratatamaḥ śucir vipraḥ śuciḥ kaviḥ / (11.1) Par.?

śucī rocata āhutaḥ // (11.2) Par.?

ud agne śucayas tava śukrā bhrājanta īrate / (12.1) Par.?

tava jyotīṃṣy arcayaḥ // (12.2) Par.?

āyurdā agne 'si // (13.1) Par.?

āyur me dehi // (14.1) Par.?

varcodā agne 'si // (15.1) Par.?

varco me dehi // (16.1) Par.?

tanūpā agne 'si // (17.1) Par.?

tanuvam me pāhi // (18.1) Par.?

agne yan me tanuvā ūnaṃ tan ma āpṛṇa / (19.1) Par.?

citrāvaso svasti te pāram aśīya // (19.2) Par.?

indhānās tvā śataṃ himā dyumantaḥ samidhīmahi // (20.1) Par.?

vayasvanto vayaskṛtaṃ yaśasvanto yaśaskṛtam // (21.1) Par.?

suvīrāso adābhyam agne sapatnadambhanam // (22.1) Par.?

varṣiṣṭhe adhi nāke / (23.1) Par.?

saṃ tvam agne sūryasya varcasāgathāḥ sam ṛṣīṇāṃ stutena sam priyeṇa dhāmnā / (23.2) Par.?

tvam agne sūryavarcā asi // (23.3) Par.?

sam mām āyuṣā varcasā prajayā sṛja // (24.1) Par.?