Texts

Help

Select a text:
Bibliography
Select a chapter:
 (no revisions)
Associated topic(s): agnyādhāna, agnyādheya

Show parallels  Show headlines
Use dependency labeler
Chapter id: 15479
  • Click on a sentence to show its analysis
  • Keep the mouse pointer over a lemma to show its meanings.
prajāpatiḥ prajāḥ sṛṣṭvā preṇānuprāviśat // (1) Par.?
tābhyaḥ punaḥ saṃbhavituṃ nāśaknot // (2) Par.?
so 'bravīd ṛdhnavad it sa yo me 'taḥ punaḥ saṃcinavad iti // (3) Par.?
taṃ devāḥ samacinvan // (4) Par.?
tato vai ta ārdhnuvan // (5) Par.?
yat samacinvan tac cityasya cityatvam // (6) Par.?
ya evaṃ vidvān agniṃ cinuta ṛdhnoty eva // (7) Par.?
kasmai kam agniś cīyata ity āhuḥ // (8) Par.?
agnivān asānīti vā agniś cīyate // (9) Par.?
agnivān eva bhavati // (10) Par.?
kasmai kam agniś cīyata ity āhuḥ // (11) Par.?
devā mā vedann iti vā agniś cīyate // (12) Par.?
vidur enaṃ devāḥ // (13) Par.?
kasmai kam agniś cīyata ity āhuḥ // (14) Par.?
gṛhy asānīti vā agniś cīyate // (15) Par.?
gṛhy eva bhavati // (16) Par.?
kasmai kam agniś cīyata ity āhuḥ // (17) Par.?
paśumān asānīti vā agniḥ cīyate // (18) Par.?
paśumān eva bhavati // (19) Par.?
kasmai kam agniś cīyata ity āhuḥ // (20) Par.?
sapta mā puruṣā upajīvān iti vā agniś cīyate trayaḥ prāñcas trayaḥ pratyañca ātmā saptamaḥ // (21) Par.?
etāvanta evainam amuṣmiṃ loka upajīvanti // (22) Par.?
prajāpatir agnim acikīṣata // (23) Par.?
tam pṛthivy abravīt // (24) Par.?
na mayy agniṃ ceṣyase // (25) Par.?
ati mā dhakṣyati // (26) Par.?
sā tvātidahyamānā vidhaviṣye // (27) Par.?
sa pāpīyān bhaviṣyasīti // (28) Par.?
so 'bravīt tathā vā ahaṃ kariṣyāmi yathā tvā nātidhakṣyatīti // (29) Par.?
sa imām abhyamṛśat // (30) Par.?
prajāpatis tvā sādayatu // (31) Par.?
tayā devatayāṅgirasvad dhruvā sīdeti // (32) Par.?
imām eveṣṭakāṃ kṛtvopādhattānatidāhāya // (33) Par.?
yat praty agniṃ cinvīta tad abhimṛśet // (34) Par.?
prajāpatis tvā sādayatu // (35) Par.?
tayā devatayāṅgirasvad dhruvā sīdeti // (36) Par.?
imām eveṣṭakāṃ kṛtvopadhatta anatidāhāya // (37) Par.?
prajāpatir akāmayata prajāyeyeti // (38) Par.?
sa etam ukhyam apaśyat // (39) Par.?
taṃ saṃvatsaram abibhaḥ // (40) Par.?
tato vai sa prājāyata // (41) Par.?
tasmāt saṃvatsaram bhāryaḥ praiva jāyate // (42) Par.?
taṃ vasavo 'bruvan // (43) Par.?
pra tvam ajaniṣṭhāḥ // (44) Par.?
vayam prajāyāmahā iti // (45) Par.?
taṃ vasubhyaḥ prāyacchat // (46) Par.?
taṃ trīṇy ahāny abibharuḥ // (47) Par.?
tena trīṇi ca śatāny asṛjanta trayastriṃśataṃ ca // (48) Par.?
tasmāt tryaham bhāryaḥ praiva jāyate // (49) Par.?
tān rudrā abruvan // (50) Par.?
pra yūyam ajaniḍhvam // (51) Par.?
vayam prajāyāmahā iti // (52) Par.?
taṃ rudrebhyaḥ prāyacchan // (53) Par.?
taṃ ṣaḍ ahāny abibharuḥ // (54) Par.?
tena trīṇi ca śatāny asṛjanta trayastriṃśataṃ ca // (55) Par.?
tasmāt ṣaḍaham bhāryaḥ praiva jāyate // (56) Par.?
tān ādityā abruvan // (57) Par.?
pra yūyam ajaniḍhvam // (58) Par.?
vayam prajāyāmahā iti // (59) Par.?
tam ādityebhyaḥ prāyacchan // (60) Par.?
taṃ dvādaśāhāny abibharuḥ // (61) Par.?
tena trīṇi ca śatāny asṛjanta trayastriṃśataṃ ca // (62) Par.?
tasmād dvādaśāham bhāryaḥ praiva jāyate // (63) Par.?
tenaiva te sahasram asṛjantokhāṃ sahasratamīm // (64) Par.?
ya evam ukhyaṃ sāhasraṃ veda pra sahasram paśūn āpnoti // (65) Par.?
Duration=0.11203598976135 secs.