Texts

Help

Select a text:
Bibliography
Select a chapter:
 (no revisions)
Associated topic(s): agnyādhāna, agnyādheya

Show parallels  Show headlines
Use dependency labeler
Chapter id: 15445
  • Click on a sentence to show its analysis
  • Keep the mouse pointer over a lemma to show its meanings.
agnir devebhyo 'pākrāmad bhāgadheyam icchamānaḥ // (1) Par.?
taṃ devā abruvan upa na āvartasva havyaṃ no vaheti // (2) Par.?
so 'bravīd varaṃ vṛṇai mahyam eva vājaprasavīyaṃ juhavann iti // (3) Par.?
tasmād agnaye vājaprasavīyaṃ juhvati // (4) Par.?
yad vājaprasavīyaṃ juhoty agnim eva tad bhāgadheyena samardhayati // (5) Par.?
atho abhiṣeka evāsya sa // (6) Par.?
caturdaśabhir juhoti // (7) Par.?
sapta grāmyā oṣadhayaḥ saptāraṇyā ubhayīṣām avaruddhyai // (8) Par.?
annasyānnasya juhoty annasyānnasyāvaruddhyai // (9) Par.?
audumbareṇa sruveṇa juhoti // (10) Par.?
ūrg vā udumbaraḥ // (11) Par.?
ūrg annam // (12) Par.?
ūrjaivāsmā ūrjam annam avarunddhe // (13) Par.?
agnir vai devānām abhiṣiktaḥ // (14) Par.?
agnicin manuṣyāṇām // (15) Par.?
tasmād agnicid varṣati na dhāvet // (16) Par.?
avaruddhaṃ hy asyānnam // (17) Par.?
annam iva khalu vai varṣam // (18) Par.?
yad dhāved annādyād dhāvet // (19) Par.?
upāvarteta // (20) Par.?
annādyam evābhy upāvartate // (21) Par.?
naktoṣāseti kṛṣṇāyai śvetavatsāyai payasā juhoti // (22) Par.?
ahnaivāsmai rātrim pradāpayati rātriyāhaḥ // (23) Par.?
ahorātre evāsmai pratte kāmam annādyaṃ duhāte // (24) Par.?
rāṣṭrabhṛto juhoti // (25) Par.?
rāṣṭram evāvarunddhe // (26) Par.?
ṣaḍbhir juhoti // (27) Par.?
saḍ vā ṛtavaḥ // (28) Par.?
ṛtuṣv eva pratitiṣṭhati // (29) Par.?
bhuvanasya pata iti rathamukhe pañcāhutīr juhoti // (30) Par.?
vajro vai rathaḥ // (31) Par.?
vajreṇaiva diśo 'bhijayati // (32) Par.?
agnicitaṃ ha vā amuṣmiṃ loke vāto 'bhipavate // (33) Par.?
vātanāmāni juhoti // (34) Par.?
abhy evainam amuṣmiṃ loke vātaḥ pavate // (35) Par.?
trīṇi juhoti // (36) Par.?
traya ime lokāḥ // (37) Par.?
ebhya eva lokebhyo vātam avarunddhe // (38) Par.?
samudro 'si nabhasvān ity āha // (39) Par.?
etad vai vātasya rūpam // (40) Par.?
rūpeṇaiva vātam avarunddhe // (41) Par.?
añjalinā juhoti // (42) Par.?
na hy eteṣām anyathāhutir avakalpate // (43) Par.?
Duration=0.10155606269836 secs.