Texts

Help

Select a text:
Bibliography
Select a chapter:
 (no revisions)
Associated topic(s): Soma sacrifice

Show parallels  Show headlines
Use dependency labeler
Chapter id: 15916
  • Click on a sentence to show its analysis
  • Keep the mouse pointer over a lemma to show its meanings.
prajāpatir devebhyo yajñān vyādiśat // (1) Par.?
sa riricāno 'manyata // (2) Par.?
sa yajñānāṃ ṣoḍaśadhendriyaṃ vīryam ātmānam abhi samakhidat // (3) Par.?
tat ṣoḍaśy abhavat // (4) Par.?
na vai ṣoḍaśī nāma yajño 'sti // (5) Par.?
yad vāva ṣoḍaśaṃ stotraṃ ṣoḍaśaṃ śastraṃ tena ṣoḍaśī // (6) Par.?
tat ṣoḍaśinaḥ ṣoḍaśitvam // (7) Par.?
yat ṣoḍaśī gṛhyata indriyam eva tad vīryaṃ yajamāna ātman dhatte // (8) Par.?
devebhyo vai suvargo loko na prābhavat // (9) Par.?
ta etaṃ ṣoḍaśinam apaśyan // (10) Par.?
tam agṛhṇata // (11) Par.?
tato vai tebhyaḥ suvargo lokaḥ prābhavat // (12) Par.?
yat ṣoḍaśī gṛhyate suvargasya lokasyābhijityai // (13) Par.?
indro vai devānām ānujāvara āsīt // (14) Par.?
sa prajāpatim upādhāvat // (15) Par.?
tasmā etaṃ ṣoḍaśinam prāyacchat // (16) Par.?
tam agṛhṇīta // (17) Par.?
tato vai so 'graṃ devatānām paryait // (18) Par.?
yasyaivaṃ viduṣaḥ ṣoḍaśī gṛhyate 'gram eva samānānām paryeti // (19) Par.?
prātaḥsavane gṛhṇāti // (20) Par.?
vajro vai ṣoḍaśī // (21) Par.?
vajraḥ prātaḥsavanam // (22) Par.?
svād evainaṃ yoner nigṛhṇāti // (23) Par.?
savane savane 'bhigṛhṇāti // (24) Par.?
savanāt savanād evainam prajanayati // (25) Par.?
tṛtīyasavane paśukāmasya gṛhṇīyāt // (26) Par.?
vajro vai ṣoḍaśī // (27) Par.?
paśavas tṛtīyasavanam // (28) Par.?
vajreṇaivāsmai tṛtīyasavanāt paśūn avarunddhe // (29) Par.?
nokthye gṛhṇīyāt // (30) Par.?
prajā vai paśava ukthāni // (31) Par.?
yad ukthye gṛhṇīyāt prajām paśūn asya nirdahet // (32) Par.?
atirātre paśukāmasya gṛhṇīyāt // (33) Par.?
vajro vai ṣoḍaśī // (34) Par.?
vajreṇaivāsmai paśūn avarudhya rātriyopariṣṭāc chamayati // (35) Par.?
apy agniṣṭome rājanyasya gṛhṇīyāt // (36) Par.?
vyāvṛtkāmo hi rājanyo yajate // (37) Par.?
sāhna evāsmai vajraṃ gṛhṇāti // (38) Par.?
sa enaṃ vajro bhūtyā inddhe nir vā dahati // (39) Par.?
ekaviṃśaṃ stotram bhavati pratiṣṭhityai // (40) Par.?
harivacchasyate // (41) Par.?
indrasya priyaṃ dhāmopāpnoti // (42) Par.?
kanīyāṃsi vai deveṣu chandāṃsy āsañ jyāyāṃsy asureṣu // (43) Par.?
te devāḥ kanīyasā chandasā jyāyaś chando 'bhivyaśaṃsan // (44) Par.?
tato vai te 'surāṇāṃ lokam avṛñjata // (45) Par.?
yat kanīyasā chandasā jyāyaś chando 'bhiviśaṃsati bhrātṛvyasyaiva tal lokaṃ vṛṅkte // (46) Par.?
ṣaḍ akṣarāṇy atirecayanti // (47) Par.?
ṣaḍ vā ṛtavaḥ // (48) Par.?
ṛtūn eva prīṇāti // (49) Par.?
catvāri pūrvāṇy avakalpayanti // (50) Par.?
catuṣpada eva paśūn avarunddhe // (51) Par.?
dve uttare // (52) Par.?
dvipada evāvarunddhe // (53) Par.?
anuṣṭubham abhisaṃpādayanti // (54) Par.?
vāg vā anuṣṭup // (55) Par.?
tasmāt prāṇānāṃ vāg uttamā // (56) Par.?
samayāviṣite sūrye ṣoḍaśina stotram upākaroti // (57) Par.?
etasmin vai loka indro vṛtram ahan // (58) Par.?
sākṣād eva vajram bhrātṛvyāya praharati // (59) Par.?
aruṇapiśaṃgo 'śvo dakṣiṇā // (60) Par.?
tad vai vajrasya rūpaṃ samṛddhyai // (61) Par.?
Duration=0.17984104156494 secs.