Texts

saumāraudraṃ caruṃ nirvapec chuklānāṃ vrīhīṇāṃ śvetāyāś śvetavatsāyā ājyaṃ mathitaṃ syāt tasmin brahmavarcasakāmaḥ // (1) Par.?

svarbhānur vā āsuras sūryaṃ tamasāvidhyat // (2) Par.?

sa na vyarocata // (3) Par.?

tasmai devāḥ prāyaścittim aicchan // (4) Par.?

tam etayeṣṭyāyājayan // (5) Par.?

tayāsmāt tamo 'pāghnan // (6) Par.?

tamasaiṣa prāvṛto yo 'laṃ brahmavarcasāya san na brahmavarcasī bhavati // (7) Par.?

tama evāsmād apahanti // (8) Par.?

brahmavarcasenainaṃ saṃsṛjati // (9) Par.?

śvetāyāś śvetavatsāyā ājyaṃ bhavati śuklā vrīhayaḥ // (10) Par.?

evam iva vai brahmavarcasam // (11) Par.?

brahmavarcasam eva saṃdadhāti // (12) Par.?

ghṛtena prokṣanti // (13) Par.?

ghṛtena mārjayante // (14) Par.?

aśāntyai // (15) Par.?

śāntir hy āpaḥ // (16) Par.?

apy asya tāṃ rātrīm apo gṛhān nāvahareyuḥ // (17) Par.?

pariśrite yajeta // (18) Par.?

brahmavarcasasya parigṛhītyai // (19) Par.?

prādeśamātraś carur ūrdhvo bhavaty evaṃ tiryaṅ // (20) Par.?

etāvān vai puruṣaḥ // (21) Par.?

yāvad asya prāṇā abhi yāvān evāsyātmā tasmāt tamo 'pahanti // (22) Par.?

sākaṃ raśmibhiḥ pracaranti // (23) Par.?

asā evāsmād āditya udyaṃs tamo 'pahanti // (24) Par.?

tiṣyāpūrṇamāse yajeta // (25) Par.?

tiṣyo vai rudraś candramās somaḥ // (26) Par.?

saumīr ataḥ prācīnam oṣadhayaḥ // (27) Par.?

raudrīḥ pratīcīnam // (28) Par.?

śuṣyanti prācīnam // (29) Par.?

śuṣyanti pratīcīnam // (30) Par.?

pratyakṣam evainā ṛdhnoti // (31) Par.?

īśvaro duścarmā bhavitor ya etayā yajate // (32) Par.?

atīva hy asmād apahanti // (33) Par.?

manor ṛcas sāmidhenīṣv apy anubrūyāt // (34) Par.?

manur vai yat kiṃ cāvadat tad bheṣajam āsīt // (35) Par.?

bheṣajam evāsmai karoti // (36) Par.?

upakṣaranti sindhavo mayobhuva iti // (37) Par.?

nārāśaṃsyā paridadhāti // (38) Par.?

śāntyai // (39) Par.?

ṣaṭpadā bhavati // (40) Par.?

ṣaḍ vā ṛtavaḥ // (41) Par.?

ṛtuṣv eva pratitiṣṭhati // (42) Par.?

īśvaras tu tad ati duścarmaiva bhavitoḥ // (43) Par.?

tejāṃsi hy eṣa pratyārohann eti // (44) Par.?

saumāpauṣṇaṃ caruṃ paśukāmo 'nunirvapet // (45) Par.?

somo vai brāhmaṇasya svā devatā // (46) Par.?

paśavaḥ pūṣā // (47) Par.?

svām eva devatāṃ paśubhir baṃhayate // (48) Par.?

tvacam eva kurute // (49) Par.?

saumāraudraṃ caruṃ nirvapet kṛṣṇānāṃ vrīhīṇām abhicaran // (50) Par.?

somo vā āsāṃ prajānām adhipatiḥ // (51) Par.?

rudro 'gnir adhipatir vadhyasya cāvadhyasya ceśe // (52) Par.?

adhipatim evainaṃ niryācya rudrāyāpidadhāti // (53) Par.?

kṛṣṇānāṃ vrīhīṇāṃ bhavati // (54) Par.?

kṛṣṇam iva vai tamaḥ // (55) Par.?

tamo mṛtyuḥ // (56) Par.?

mṛtyunaivainaṃ grāhayati // (57) Par.?

śaramayaṃ barhiḥ // (58) Par.?

śīrtyai // (59) Par.?

vaibhītaka idhmaḥ // (60) Par.?

vibhittyai // (61) Par.?

saumāraudraṃ caruṃ nirvaped bhrātṛvyatāyai vā dvitīyatāyai vā // (62) Par.?

tasyārdhamardhaṃ sarvaṃ syāt // (63) Par.?

ardhaṃ śuklānāṃ vrīhīṇāṃ syād ardhaṃ kṛṣṇānām ardhaṃ śaramayaṃ barhiṣo 'rdhaṃ darbhamayam ardhaṃ vaibhītakam idhmasyārdham anyasya vṛkṣasya // (64) Par.?

somo vai brāhmaṇasya svā devatā // (65) Par.?

svāyām evāsmai devatāyāṃ dvitīyaṃ janayati // (66) Par.?

yad ardhamardham // (67) Par.?

dvitīyatvāyaiva tat // (68) Par.?

saumāraudraṃ caruṃ nirvapet payasy āmayāvinaḥ // (69) Par.?

saumyo vai jīvann āgneyaḥ pramītaḥ // (70) Par.?

naiṣa jīvo na mṛto ya āmayāvī // (71) Par.?

tayor evainaṃ bhāgadheyena niṣkrīṇāti // (72) Par.?

payasi bhavati // (73) Par.?

payo vai payaḥ // (74) Par.?

payaḥ puruṣaḥ // (75) Par.?

paya etasyāmayati yasyāmayati // (76) Par.?

payasaivāsya payas spṛṇoti // (77) Par.?

grasitaṃ vā eṣa etaṃ somārudrayor niṣkhidati yo hotā bhavati // (78) Par.?

sa īśvaraḥ prametoḥ // (79) Par.?

anaḍvāhaṃ tasmai dadyāt // (80) Par.?

taṃ hanyāt // (81) Par.?

tasyāśnīyāt // (82) Par.?

saiva tatra prāyaścittiḥ // (83) Par.?

saumāraudraṃ caruṃ nirvapet prajākāmo vā paśukāmo vā // (84) Par.?

somo vai retodhāḥ // (85) Par.?

rudro 'gnis sa prajanayitā // (86) Par.?

soma evāsmai reto dadhāti // (87) Par.?

agniḥ prajanayati // (88) Par.?

vindate prajāṃ vā paśūn vā yatarasmai kāmāya nirvapati // (89) Par.?