Texts

atra sarvaśabdo vidyādikāryaniravaśeṣavācī draṣṭavyaḥ // (1) Par.?

kāmika ityatrāpi nastrikaṃ cintyate // (2) Par.?

kāmī kāmaḥ kāmyamiti ca tatra kāmī īśvaraḥ // (3) Par.?

kāmo'syecchā // (4) Par.?

kāmyaṃ vidyādikāryam // (5) Par.?

tadakrameṇa kramaśo vā yatheṣṭamutpādayati // (6) Par.?

kasmāt // (7) Par.?

kāmitvāt // (8) Par.?

akarmāpekṣitvaṃ cāsyāta eva siddham // (9) Par.?

karmakāminaśca maheśvaramapekṣante na tu bhagavānīśvaraḥ karma puruṣaṃ vāpekṣate // (10) Par.?

ato na karmāpekṣa īśvaraḥ // (11) Par.?

itiśabdo'rthānāṃ nirvacanatvāt prakaraṇaparisamāptyarthaḥ // (12) Par.?

āha kāmitvaṃ tattvavaidharmyaṃ kuryāt // (13) Par.?

kāryatvena vā pariṇāmitvam ātmano bandhamokṣaviparyayaṃ vā kuryāt // (14) Par.?

taducyate yasmādāha āṅ iti // (15) Par.?

āṅ iti kāryakāraṇatvam ātmano muktānāṃ ca maryādā // (16) Par.?

taducyate utpādyānugrāhyatirobhāvyakalpakatvābhāvakatvenāpariṇāmitvam ātmano muktānāṃ ca punarduḥkhair asaṃyojanam ityeṣā kāraṇamaryādā // (17) Par.?

sthāpyā ca kāryamaryādā // (18) Par.?

taducyate utpādyānugrāhyatirobhāvyakālpyavikāryamaryādā // (19) Par.?

tadanyacodyādhiṣṭheyatvaṃ ca // (20) Par.?

cakṣiṅ kathane // (21) Par.?

bhagavatā kāryebhyo bhavatā rudreṇācakṣitam // (22) Par.?

bhagavato maheśvarasya śaktiḥ sanātanī // (23) Par.?

tadvidyādikāryaṃ kalitam ityeṣo'rthaḥ // (24) Par.?

tathā coktaṃ varṇitamityarthaḥ // (25) Par.?

atredamādhikārikaṃ kāryakāraṇaprakaraṇaṃ parisamāptamiti // (26) Par.?

kiṃ nāma kāmitvaṃ rudrakāmitvaṃ ca // (27) Par.?

etadeva kāraṇe mahābhāgyam āhosvidanyadasti // (28) Par.?

ucyate asti // (29) Par.?

yasmādāha // (30) Par.?