Texts

Help

Select a text:
Bibliography

Select a chapter:
(no revisions)

Associated topic(s): Pashupata Shaivism

Show parallels Show headlines
Use dependency labeler

Chapter id: 700

Click on a sentence to show its analysis
Keep the mouse pointer over a lemma to show its meanings.

atra kāla ityeṣa maheśvaraparyāyaḥ kasmāt pūrvottarasūtrasāmarthyāt // (1) Par.?

kālayate yasmāt kṣetrasādhiniṣṭhāni sthānāni kalādiśarīrendriyaviṣayādibhyo viyogeneti tataḥ kālaḥ // (2) Par.?

uktaṃ hi // (3) Par.?

brahmādibhūrjaparyantaṃ jagad etac carācaram / (4.1) Par.?

yataḥ kalayate rudraḥ kālarūpī tataḥ smṛtaḥ // (4.2) Par.?

kālyān kalayate yasmāt kalābhyaḥ kālaparyayāt / (5.1) Par.?

kalanāt kālanāc cāpi kāla ityabhidhīyate // (5.2) Par.?

evaṃ kālo hi bhagavān // (6) Par.?

kālyāḥ kṣetrajñāḥ // (7) Par.?

sthānāni tu brahmendradevapitrādivacanād brāhmaṃ prājāpatyaṃ saumyam aindraṃ gāndharvaṃ yākṣaṃ rākṣasaṃ paiśācamiti // (8) Par.?

tathā brāhmaṇaśūdragomṛgasarvabhūtakṛtānnādivacanāt tathā mānuṣapaśumṛgapakṣisarīsṛpasthāvarādīnāṃ grahaṇam // (9) Par.?

tathā yogeśvarā deveṣvantarbhūtāḥ // (10) Par.?

kasmāt // (11) Par.?

dharmabāhulyāt // (12) Par.?

tathā nārakās tiryakṣv antarbhūtāḥ // (13) Par.?

kasmāt // (14) Par.?

adharmabāhulyāt // (15) Par.?

evaṃ sthānataścaturdaśakaḥ saṃsāra ityupacaryate // (16) Par.?

eteṣu kalādivacanān maheśvaro nimittam // (17) Par.?

kasmāt // (18) Par.?

pūrvottaraśarīreṣu bhogalopābhivyaktimātratvāt // (19) Par.?

ādimān saṃsāro draṣṭavyaḥ // (20) Par.?

tatphalabhoktṛtvāt kāryakaraṇayor anāditvād anādir akṛtābhyāgamād ityetad bhagavatyabhyadhikatvaṃ śeṣeṣu ca puruṣeṣu nyūnatvaṃ jñātvā yuktaṃ vaktuṃ kālāya namaḥ // (21) Par.?

atrāpi kālāya iti caturthī // (22) Par.?

nama ityātmapradāne pūjāyāṃ ca // (23) Par.?

sambhāvanānyatvāc cāpunarukto'yaṃ namaskāro draṣṭavyaḥ // (24) Par.?

āha atha sthānaśarīrendriyaviṣayādīnāṃ kimeṣa bhagavān prabhuḥ kartā bhavati neti // (25) Par.?

ucyate prabhuḥ kartaiva // (26) Par.?

yasmādāha // (27) Par.?

Duration=0.055272102355957 secs.