Texts

atra jitatā jayaḥ // (1) Par.?

tasmāj jayād asaṅgatādi bhavati // (2) Par.?

atra parigrahatayeśvarāṇi indriyāṇi buddhyādīni vāgantāni trayodaśa karaṇāni // (3) Par.?

teṣām abhijayād ityarthaḥ // (4) Par.?

āha kathaṃ buddhisiddhiriti cet // (5) Par.?

taducyate siddhatvāt // (6) Par.?

atra matibuddhipidhānasthāpanoddeśād ghaṭapaṭavat siddhatvāc ca buddhiḥ siddhā tathā paropadeśāt svātmaparātmaprativibhāgadarśanāt suro'haṃ naro'hamiti bhinnavṛttitvāc cāhaṃkāraḥ siddhaḥ // (7) Par.?

tathā manaḥ pravartate manojavī mano'mana iti saṃkalpavikalpavṛttinānātvaṃ ca siddham // (8) Par.?

evaṃ trikālavṛttyantaḥkaraṇaṃ puruṣasya vyākhyātam // (9) Par.?

tathā buddhīndriyāṇāṃ śrotraṃ vyākhyātam // (10) Par.?

paraparivādādivacanād uccairubhayathā pramukhe dvir adhiṣṭhāne saṃniviṣṭaṃ sāmantācchabdavyañjanasamarthaṃ siddham // (11) Par.?

tathātitapopadeśāt tvag antarbahiśca śarīraṃ vyāpya saṃniviṣṭā sparśavyañjanasamarthā siddhā // (12) Par.?

tathā mūtrapurīṣadarśanapratiṣedhāt kṛtānnādivacanāc ca cakṣuḥ uccair ubhayathā pramukhe dvir adhiṣṭhāne saṃniviṣṭaṃ ghaṭarūpādi vyañjanasamarthaṃ siddham // (13) Par.?

tathā māṃsalavaṇopadeśāj jihvā tanmukhe māṃsapeśyāṃ saṃniviṣṭā rasajñānajananasamarthā siddhā // (14.1) Par.?

tathā prāṇāyāmopadeśād ghrāṇaṃ pramukhe uccairubhayathā dvir adhiṣṭhāne saṃniviṣṭaṃ gandhagrahaṇasamarthaṃ siddham // (15) Par.?

evamadhikārivṛttibhirbudhyaty ebhiḥ puruṣa iti buddhīndriyāṇi // (16) Par.?

tathā karmendriyāṇi // (17) Par.?

maṇṭanaviharaṇopadeśāt pādendriyam adhastād dvir adhiṣṭhāne saṃniviṣṭaṃ gamanakriyāsamarthaṃ siddham // (18) Par.?

tathā mūtrapurīṣadarśanapratiṣedhāt pāyvindriyaṃ guhyapradeśe saṃniviṣṭam utsargakriyāsamarthaṃ siddham // (19) Par.?

tathā strīpratiṣedhād upasthendriyaṃ trivalīguhyapradeśasaṃniviṣṭam ānandakriyāsamarthaṃ siddham // (20) Par.?

tathā api tatkarmopadeśāt hastendriyam uccairubhayathā dvir adhiṣṭhāne bhujāntardeśe saṃniviṣṭam ādānakriyāsamarthaṃ siddham // (21) Par.?

tathā api tadbhāṣaṇopadeśād vāgindriyaṃ vāktālujihvādiṣu sthāneṣu saṃniviṣṭaṃ vacanakriyāsamarthaṃ siddham // (22) Par.?

atra vikāratadvṛttibhiḥ karmotpattiḥ puruṣe iti karmendriyāṇi evametāni trayodaśa karaṇānīndriyāṇi sūtrato vyākhyātāni // (23) Par.?

kasmāt // (24) Par.?

indriyāṇāmiti sāmānyagrahaṇād vikaraṇavat sāmānyapratiṣedhāc ca // (25) Par.?

indriyāṇām iti ṣaṣṭhībahuvacanam // (26) Par.?

uktaṃ hi / (27.1) Par.?

ādānād grahaṇāt tyāgād raṅgaṇād gamanāt tathā / (27.2) Par.?

iṅganādravaṇāc caiva tasmād indriyamucyate // (27.3) Par.?

abhijayād iti // (28) Par.?

abhiśabdaḥ atyantavijaye vaśīkaraṇe ca // (29) Par.?

ākramya vaśīkartavyāni // (30) Par.?

vāyukāmakrodhapāṭaliputravat // (31) Par.?

tasmād akuśalebhyo vyāvartayitvā kāmataḥ kuśalaṃ yojitāni tadā jitāni bhavanti // (32) Par.?

tasmād uktam indriyāṇām abhijayāditi asaṅgādijanmanimittatvāt pañcamī draṣṭavyā // (33) Par.?

āha anyatra sāṃkhyayogādīnām asaṅgādiyuktāḥ muktāḥ śāntiṃ prāptāḥ // (34) Par.?

nirabhilapyā muktā ityucyante mukta eva na yukta iti kva siddham // (35) Par.?

taducyate iha yasmādāha // (36) Par.?