UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 787
- Click on a sentence to show its analysis
- Keep the mouse pointer over a lemma to show its meanings.
śrībhagavān uvāca / (1.1)
Par.?
jitendriyasya yuktasya jitaśvāsasya yoginaḥ / (1.2)
Par.?
mayi dhārayataś ceta upatiṣṭhanti siddhayaḥ // (1.3)
Par.?
śrīuddhava uvāca / (2.1)
Par.?
kayā dhāraṇayā kā svit kathaṃ vā siddhir acyuta / (2.2)
Par.?
kati vā siddhayo brūhi yogināṃ siddhido bhavān // (2.3)
Par.?
śrībhagavān uvāca / (3.1)
Par.?
siddhayo 'ṣṭādaśa proktā dhāraṇā yogapāragaiḥ / (3.2)
Par.?
tāsām aṣṭau matpradhānā daśaiva guṇahetavaḥ // (3.3)
Par.?
aṇimā mahimā mūrter laghimā prāptir indriyaiḥ / (4.1)
Par.?
prākāmyaṃ śrutadṛṣṭeṣu śaktipreraṇam īśitā // (4.2)
Par.?
guṇeṣv asaṅgo vaśitā yatkāmas tad avasyati / (5.1)
Par.?
etā me siddhayaḥ saumya aṣṭāv autpattikā matāḥ // (5.2)
Par.?
anūrmimattvaṃ dehe 'smin dūraśravaṇadarśanam / (6.1)
Par.?
manojavaḥ kāmarūpaṃ parakāyapraveśanam // (6.2)
Par.?
svacchandamṛtyur devānāṃ sahakrīḍānudarśanam / (7.1)
Par.?
yathāsaṃkalpasaṃsiddhir ājñāpratihatā gatiḥ // (7.2)
Par.?
trikālajñatvam advaṃdvaṃ paracittādyabhijñatā / (8.1)
Par.?
agnyarkāmbuviṣādīnāṃ pratiṣṭambho 'parājayaḥ // (8.2)
Par.?
etāś coddeśataḥ proktā yogadhāraṇasiddhayaḥ / (9.1)
Par.?
yayā dhāraṇayā yā syād yathā vā syān nibodha me // (9.2)
Par.?
bhūtasūkṣmātmani mayi tanmātraṃ dhārayen manaḥ / (10.1)
Par.?
aṇimānam avāpnoti tanmātropāsako mama // (10.2)
Par.?
mahattattvātmani mayi yathāsaṃsthaṃ mano dadhat / (11.1)
Par.?
mahimānam avāpnoti bhūtānāṃ ca pṛthak pṛthak // (11.2) Par.?
paramāṇumaye cittaṃ bhūtānāṃ mayi rañjayan / (12.1)
Par.?
kālasūkṣmārthatāṃ yogī laghimānam avāpnuyāt // (12.2)
Par.?
dhārayan mayy ahaṃtattve mano vaikārike 'khilam / (13.1)
Par.?
sarvendriyāṇām ātmatvaṃ prāptiṃ prāpnoti manmanāḥ // (13.2)
Par.?
mahaty ātmani yaḥ sūtre dhārayen mayi mānasam / (14.1)
Par.?
prākāmyaṃ pārameṣṭhyaṃ me vindate 'vyaktajanmanaḥ // (14.2)
Par.?
viṣṇau tryadhīśvare cittaṃ dhārayet kālavigrahe / (15.1)
Par.?
sa īśitvam avāpnoti kṣetrajñakṣetracodanām // (15.2)
Par.?
nārāyaṇe turīyākhye bhagavacchabdaśabdite / (16.1)
Par.?
mano mayy ādadhad yogī maddharmā vaśitām iyāt // (16.2)
Par.?
nirguṇe brahmaṇi mayi dhārayan viśadaṃ manaḥ / (17.1)
Par.?
paramānandam āpnoti yatra kāmo 'vasīyate // (17.2)
Par.?
śvetadvīpapatau cittaṃ śuddhe dharmamaye mayi / (18.1)
Par.?
dhārayañchvetatāṃ yāti ṣaḍūrmirahito naraḥ // (18.2)
Par.?
mayy ākāśātmani prāṇe manasā ghoṣam udvahan / (19.1)
Par.?
tatropalabdhā bhūtānāṃ haṃso vācaḥ śṛṇoty asau // (19.2)
Par.?
cakṣus tvaṣṭari saṃyojya tvaṣṭāram api cakṣuṣi / (20.1)
Par.?
māṃ tatra manasā dhyāyan viśvaṃ paśyati dūrataḥ // (20.2)
Par.?
mano mayi susaṃyojya dehaṃ tadanuvāyunā / (21.1)
Par.?
maddhāraṇānubhāvena tatrātmā yatra vai manaḥ // (21.2)
Par.?
yadā mana upādāya yad yad rūpaṃ bubhūṣati / (22.1)
Par.?
tat tad bhaven manorūpaṃ madyogabalam āśrayaḥ // (22.2)
Par.?
parakāyaṃ viśan siddha ātmānaṃ tatra bhāvayet / (23.1)
Par.?
piṇḍaṃ hitvā viśet prāṇo vāyubhūtaḥ ṣaḍaṅghrivat // (23.2)
Par.?
pārṣṇyāpīḍya gudaṃ prāṇaṃ hṛduraḥkaṇṭhamūrdhasu / (24.1)
Par.?
āropya brahmarandhreṇa brahma nītvotsṛjet tanum // (24.2)
Par.?
vihariṣyan surākrīḍe matsthaṃ sattvaṃ vibhāvayet / (25.1)
Par.?
vimānenopatiṣṭhanti sattvavṛttīḥ surastriyaḥ // (25.2)
Par.?
yathā saṃkalpayed buddhyā yadā vā matparaḥ pumān / (26.1)
Par.?
mayi satye mano yuñjaṃs tathā tat samupāśnute // (26.2)
Par.?
yo vai madbhāvam āpanna īśitur vaśituḥ pumān / (27.1)
Par.?
kutaścin na vihanyeta tasya cājñā yathā mama // (27.2)
Par.?
madbhaktyā śuddhasattvasya yogino dhāraṇāvidaḥ / (28.1)
Par.?
tasya traikālikī buddhir janmamṛtyūpabṛṃhitā // (28.2)
Par.?
agnyādibhir na hanyeta muner yogamayaṃ vapuḥ / (29.1)
Par.?
madyogaśāntacittasya yādasām udakaṃ yathā // (29.2)
Par.?
madvibhūtīr abhidhyāyan śrīvatsāstravibhūṣitāḥ / (30.1)
Par.?
dhvajātapatravyajanaiḥ sa bhaved aparājitaḥ // (30.2)
Par.?
upāsakasya mām evaṃ yogadhāraṇayā muneḥ / (31.1)
Par.?
siddhayaḥ pūrvakathitā upatiṣṭhanty aśeṣataḥ // (31.2)
Par.?
jitendriyasya dāntasya jitaśvāsātmano muneḥ / (32.1)
Par.?
maddhāraṇāṃ dhārayataḥ kā sā siddhiḥ sudurlabhā // (32.2)
Par.?
antarāyān vadanty etā yuñjato yogam uttamam / (33.1)
Par.?
mayā sampadyamānasya kālakṣapaṇahetavaḥ // (33.2)
Par.?
janmauṣadhitapomantrair yāvatīr iha siddhayaḥ / (34.1)
Par.?
yogenāpnoti tāḥ sarvā nānyair yogagatiṃ vrajet // (34.2)
Par.?
sarvāsām api siddhīnāṃ hetuḥ patir ahaṃ prabhuḥ / (35.1)
Par.?
ahaṃ yogasya sāṃkhyasya dharmasya brahmavādinām // (35.2)
Par.?
aham ātmāntaro bāhyo 'nāvṛtaḥ sarvadehinām / (36.1)
Par.?
yathā bhūtāni bhūteṣu bahir antaḥ svayaṃ tathā // (36.2)
Par.?
Duration=0.10335612297058 secs.