Texts
Select a text:
Bibliography
Bibliography
Select a chapter:
1 revision
Show parallels Show headlines
Use dependency labeler
1 revision
Associated topic(s): brahman priest, brahmatva
Show parallels Show headlines
Use dependency labeler
Chapter id: 12462
- Click on a sentence to show its analysis
- Keep the mouse pointer over a lemma to show its meanings.
yasya evaṃ vidvān brahmā bhavati // (1) Par.?
tad āhur yad ṛcā hotā hotā bhavati yajuṣā adhvaryur adhvaryuḥ sāmnodgātodgātā kena brahmā brahmā bhavatīti // (2) Par.?
yam evāmuṃ trayyai vidyāyai tejorasaṃ prāvṛhat // (3) Par.?
tena brahmā brahmā bhavati // (4) Par.?
tad āhuḥ kiṃvidaṃ kiṃchandasaṃ brāhmaṇaṃ vṛṇīta iti // (5) Par.?
adhvaryum ity eke // (6) Par.?
sa parikramāṇāṃ kṣetrajño bhavatīti // (7) Par.?
chandogam ity eke // (8) Par.?
tathā hāsya tribhir vedair haviryajñāḥ saṃskriyanta iti // (9) Par.?
bahvṛcam iti tveva sthitam // (10) Par.?
etat parisaraṇāvitarau vedau // (11) Par.?
atra bhūyiṣṭhā hotrā āyattā bhavantīti // (12) Par.?
ṛgbhir grahā gṛhyante // (13) Par.?
ṛkṣu sāmāni gīyante // (14) Par.?
tasmād bahvṛca eva syāt // (15) Par.?
tad āhuḥ kiyad brahmā yajñasya saṃskaroti kiyad anya ṛtvija iti // (16) Par.?
ardham iti brūyāt // (17) Par.?
dve vai yajñasya vartanī // (18) Par.?
vācānyā saṃskriyate // (19) Par.?
manasānyā // (20) Par.?
sā yā vācā saṃskriyate // (21) Par.?
tām anya ṛtvijaḥ saṃskurvanti // (22) Par.?
atha yā manasā tāṃ brahmā // (23) Par.?
tasmād yāvad ṛcā yajuṣā sāmnā kuryuḥ // (24) Par.?
tūṣṇīṃ tāvad brahmāsīta // (25) Par.?
ardhaṃ hi tad yajñasya saṃskaroti // (26) Par.?
atha yatrainaṃ brūyuḥ // (27) Par.?
brahman pracariṣyāmo brahman praṇeṣyāmo brahman prasthāsyāmo brahmant stoṣyāma iti vā // (28) Par.?
om ity etāvatā prasuyāt // (29) Par.?
etaddha vā ekam akṣaraṃ trayīṃ vidyāṃ prati prati // (30) Par.?
Duration=0.11191701889038 secs.