Texts

brahmacārī vedam adhītya // (1) Par.?

upanyāhṛtya gurave // (2) Par.?

anujñāto dārān kurvīta // (3) Par.?

asagotrān // (4) Par.?

mātur asapiṇḍān // (5) Par.?

nagnikā tu śreṣṭhā // (6) Par.?

athāplavanam // (7) Par.?

uttarataḥ purastād vācāryakulasya parivṛtaṃ bhavati // (8) Par.?

tatra prāgagreṣu darbheṣūdaṅṅācārya upaviśati // (9) Par.?

prāg brahmacāry udagagreṣu darbheṣu // (10) Par.?

sarvauṣadhiviphāṇṭābhir adbhir gandhavatībhiḥ śītoṣṇābhir ācāryo 'bhiṣiñcet // (11) Par.?

svayam iva tu // (12) Par.?

mantravarṇo bhavati // (13) Par.?

ye apsv antar agnayaḥ praviṣṭā ity apām añjalim avasiñcati // (14) Par.?

yad apāṃ ghoraṃ yad apāṃ krūraṃ yad apām aśāntam iti ca // (15) Par.?

yo rocanas tam iha gṛhṇāmīty ātmānam abhiṣiñcati // (16) Par.?

yaśase tejasa iti ca // (17) Par.?

yena striyam akṛṇutam iti ca // (18) Par.?

tūṣṇīṃ caturtham // (19) Par.?

upotthāyādityam upatiṣṭhetodyan bhrājabhṛṣṭibhir ity etatprabhṛtinā mantreṇa // (20) Par.?

yathāliṅgaṃ vā viharan // (21) Par.?

cakṣur asīty anubadhnīyāt // (22) Par.?

mekhalām avamuñcata ud uttamaṃ varuṇa pāśam iti // (23) Par.?

brāhmaṇān bhojayitvā svayaṃ bhuktvā keśaśmaśruromanakhāni vāpayīta śikhāvarjam // (24) Par.?

snātvālaṃkṛtyāhate vāsasī paridhāya srajam ābadhnīta śrīr asi mayi ramasveti // (25) Par.?

netryau stho nayataṃ mām ity upānahau // (26) Par.?

gandharvo 'sīti vaiṇavaṃ daṇḍaṃ gṛhṇāti // (27) Par.?

ācāryaṃ sapariṣatkam abhyetyācāryapariṣadam īkṣate yakṣam iva cakṣuṣaḥ priyo vo bhūyāsam iti // (28) Par.?

upopaviśya mukhyān prāṇān saṃmṛśann oṣṭhāpidhānā nakulīti // (29) Par.?

atrainam ācāryo 'rhayet // (30) Par.?

goyuktaṃ ratham upasaṃkramya pakṣasī kūbarabāhū vābhimṛśed vanaspate vīḍvaṅgo hi bhūyā iti // (31) Par.?

āsthātā te jayatu jetvānīty ātiṣṭhati // (32) Par.?

prāṅ vodaṅ vābhiprayāya pradakṣiṇam āvṛtyopayāti // (33) Par.?

upayātāyārghyam iti kauhalīyāḥ // (34) Par.?