Texts

Help

Select a text:
Bibliography

Select a chapter:
(no revisions)

Associated topic(s): animal sacrifice, paśubandha, vapā, omentum, Netzhaut, āpyāyana

Show parallels Show headlines
Use dependency labeler

Chapter id: 13888

Click on a sentence to show its analysis
Keep the mouse pointer over a lemma to show its meanings.

paśor vā ālabdhasya prāṇāñchug ṛcchati / (1.1) Par.?

vāk ta ā pyāyatām prāṇas ta ā pyāyatām ity āha prāṇebhya evāsya śucaṃ śamayati / (1.2) Par.?

sā prāṇebhyo 'dhi pṛthivīṃ śuk praviśati / (1.3) Par.?

śam ahobhyām iti ninayaty ahorātrābhyām eva pṛthivyai śucaṃ śamayati / (1.4) Par.?

oṣadhe trāyasvainaṃ svadhite mainaṃ hiṃsīr ity āha vajro vai svadhitiḥ // (1.5) Par.?

śāntyai / (2.1) Par.?

pārśvata āchyati madhyato hi manuṣyā āchyanti tiraścīnam āchyaty anūcīnaṃ hi manuṣyā āchyanti vyāvṛttyai / (2.2) Par.?

rakṣasām bhāgo 'sīti sthavimato barhir aktvāpāsyaty asnaiva rakṣāṃsi niravadayate / (2.3) Par.?

idam ahaṃ rakṣo 'dhamaṃ tamo nayāmi yo 'smān dveṣṭi yaṃ ca vayaṃ dviṣma ity āha dvau vāva puruṣau yaṃ caiva // (2.4) Par.?

dveṣṭi yaś cainaṃ dveṣṭi tāv ubhāv adhamaṃ tamo nayati / (3.1) Par.?

iṣe tveti vapām utkhidatīcchata iva hy eṣa yo yajate / (3.2) Par.?

yad upatṛndyād rudro 'sya paśūn ghātukaḥ syād yan nopatṛndyād ayatā syād anyayopatṛṇatty anyayā na dhṛtyai / (3.3) Par.?

ghṛtena dyāvāpṛthivī prorṇvāthām ity āha dyāvāpṛthivī eva rasenānakti / (3.4) Par.?

achinnaḥ // (3.5) Par.?

rāyaḥ suvīra ity āha yathāyajur evaitat / (4.1) Par.?

krūram iva vā etat karoti yad vapām utkhidaty urv antarikṣam anv ihīty āha śāntyai / (4.2) Par.?

pra vā eṣo 'smāllokāccyavate yaḥ paśum mṛtyave nīyamānam anvārabhate vapāśrapaṇī punar anvārabhate 'sminn eva loke pratitiṣṭhati / (4.3) Par.?

agninā purastād eti rakṣasām apahatyā atho devatā eva havyena // (4.4) Par.?

anveti / (5.1) Par.?

nāntamam aṅgāram atihared yad antamam aṅgāram atihared devatā atimanyeta / (5.2) Par.?

vāyo vīhi stokānām ity āha tasmād vibhaktā stokā avapadyante / (5.3) Par.?

agraṃ vā etat paśūnāṃ yad vapāgram oṣadhīnām barhir agreṇaivāgraṃ samardhayaty atho oṣadhīṣv eva paśūn pratiṣṭhāpayati / (5.4) Par.?

svāhākṛtībhyaḥ preṣyety āha // (5.5) Par.?

yajñasya samiṣṭyai / (6.1) Par.?

prāṇāpānau vā etau paśūṇāṃ yat pṛṣadājyam ātmā vapā pṛṣadājyam abhighārya vapām abhighārayaty ātmann eva paśūnām prāṇāpānau dadhāti / (6.2) Par.?

svāhordhvanabhasam mārutaṃ gacchatam ity āhordhvanabhā ha sma vai māruto devānāṃ vapāśrapaṇī praharati tenaivaine praharati viṣūcī praharati tasmād viṣvañcau prāṇāpānau // (6.3) Par.?

Duration=0.082297086715698 secs.