Texts

Help

Select a text:
Bibliography
Select a chapter:
 (no revisions)
Associated topic(s): penance, prāyaścitta, prāyaścitta

Show parallels  Show headlines
Use dependency labeler
Chapter id: 14766
  • Click on a sentence to show its analysis
  • Keep the mouse pointer over a lemma to show its meanings.
śrāvaṇyāṃ paurṇamāsyāṃ tilabhakṣa upoṣya vā śvobhūte mahānadam udakam upaspṛśya sāvitryā samitsahasram ādadhyāj japed vā // (1) Par.?
iṣṭiyajñakratūn vā pavitrārthān āharet // (2) Par.?
abhojyaṃ bhuktvā naiṣpurīṣyam // (3) Par.?
tat saptarātreṇāvāpyate // (4) Par.?
hemantaśiśirayor vobhayoḥ saṃdhyor udakam upaspṛśet // (5) Par.?
kṛcchradvādaśarātraṃ vā caret // (6) Par.?
tryaham anaktāśy adivāśī tatas tryahaṃ tryaham ayācitavratas tryahaṃ nāśnāti kiṃcaneti kṛcchradvādaśarātrasya vidhiḥ // (7) Par.?
etam evābhyaset saṃvatsaraṃ sa kṛcchrasaṃvatsaraḥ // (8) Par.?
athāparam / (9.1) Par.?
bahūny apy apatanīyāni kṛtvā tribhir anaśnat pārāyaṇaiḥ kṛtaprāyaścitto bhavati // (9.2) Par.?
anāryāṃ śayane bibhrad dadad vṛddhiṃ kaṣāyapaḥ / (10.1) Par.?
abrāhmaṇa iva vanditvā tṛṇeṣv āsīta pṛṣṭhatap // (10.2) Par.?
yad ekarātreṇa karoti pāpaṃ kṛṣṇaṃ varṇaṃ brāhmaṇaḥ sevamānaḥ / (11.1) Par.?
caturthakāla udakābhyavāyī tribhir varṣais tad apahanti pāpam // (11.2) Par.?
Duration=0.080564022064209 secs.