Texts

Help

Select a text:
Bibliography

Select a chapter:
(no revisions)

Associated topic(s): dīkṣā, ṣoḍaśin

Show parallels Show headlines
Use dependency labeler

Chapter id: 15136

Click on a sentence to show its analysis
Keep the mouse pointer over a lemma to show its meanings.

yajñopavītī bhūtvāpa upaspṛśya gṛhān vrajañjapet / (1.1) Par.?

upa śivena manasā gṛhānaimi mānuṣān / (1.2) Par.?

gṛhā mā bibhīta mā vepiḍhvam ūrjaṃ bibhrata evamasyūrjaṃ bibhradvaḥ / (1.3) Par.?

sumanāḥ sumedhā gṛhānaimi manasā daivena / (1.4) Par.?

yeṣām adhyeti pravasanyeṣu saumanaso bahur gṛhānupahvayāmahe / (1.5) Par.?

te no jānantu jānata upahūtā iha gāvaḥ / (1.6) Par.?

upahūtā ajāvayo 'tho annasya yo rasa upahūto gṛheṣu na iti // (1.7) Par.?

paścācchālām agner upaviśya japet / (2.1) Par.?

iha gāvaḥ prajāyadhvamihāśvā iha puruṣāḥ / (2.2) Par.?

iho sahasradakṣiṇo 'pi pūṣā niṣīdatviti // (2.3) Par.?

agnes tṛṇāni pratyūhya yaḥ suhṛt tam abhibhāṣeta // (3) Par.?

goṣu gā apisṛjet / (4.1) Par.?

upedam upaparcanamāsu goṣūpapṛcyatām / (4.2) Par.?

uparṣabhasya retasyupendra tava vīrya iti // (4.3) Par.?

memā indra gāvo riṣan mo āsāṃ gopatī riṣat / (5.1) Par.?

mā sāma mitrayur jana indra mā stena īśateti // (5.2) Par.?

satrāya dīkṣiṣyamāṇāḥ saṃvaderan saha naḥ sādhukṛtyā nānā pāpakṛtyā yad asmint satre 'tha yat purā cakṛma kartāsmaśca yathopasthitameva nastaditi // (6) Par.?

yo no'vratyaṃ careddīkṣito naḥ sa dīkṣitān yājayet // (7) Par.?

saṃvatsaraṃ ha sma pūrve 'nyonyasya krodham ākrośaṃ nibhṛtaṃ śīlamiti saṃvijñāya dīkṣante // (8) Par.?

teṣāṃ dīkṣāprabhṛti patnīśālāyāṃ bhojanasaṃveśane syātām // (9) Par.?

upavasathyaprabhṛtyāgnīdhrīye // (10) Par.?

sandhivelayor vācaṃ yaccheyuḥ // (11) Par.?

vicakṣaṇāntāṃ vācaṃ bhāṣeran // (12) Par.?

na kaṃcanābhivādayeran // (13) Par.?

na śūdreṇa sambhāṣeran // (14) Par.?

nādhiṣṇya uttaperan // (15) Par.?

na pratīcyā dvārā patnīśālāyā niṣkrāmeyuḥ // (16) Par.?

prāñcam udañcaṃ voccāraṃ kurvīran // (17) Par.?

na bahu vadeyuḥ // (18) Par.?

na dantān darśayeran // (19) Par.?

noccairjakṣuḥ // (20) Par.?

nāhutasyāśnīyuḥ // (21) Par.?

nainān anyonyān aśnataḥ paśyet // (22) Par.?

sarveṣāṃ savanānāṃ prāśnīyuḥ // (23) Par.?

krodhānṛte varjayeyuḥ // (24) Par.?

etāni vratāni dīkṣāsu // (25) Par.?

dīkṣopasatsu vā // (26) Par.?

vā satrāntāt // (27) Par.?

udayāstamayāvabhyāśrāvaṇaṃ ca bahirvedi prasṛte varjayeyuḥ // (28) Par.?

Duration=0.15746593475342 secs.