Texts

pṛṣṭhye ratham ativaheyuḥ paścāt prāñcaṃ dakṣiṇato vodañcaṃ bahirvedi rathantarasya stotre // (1) Par.?

bṛhato dundubhim āhanyuḥ // (2) Par.?

upavājayamānā vairūpeṇa stuvīrann upavājyamānā vā // (3) Par.?

vācayitvā yajamānaṃ vātaṃ vāta ā vātviti tṛcenānumantrayeta // (4) Par.?

vairājasya stotra upākṛta uparyanūruśakalaṃ nidhāya tṛṇe ca tasyopari tiraścīm araṇiṃ nidhāyādhyātmaṃ prajananaṃ kṛtvā triḥ pradakṣiṇam abhimanthed gāyatraṃ chando 'nuprajāyasva traiṣṭubhaṃ jāgatam ānuṣṭubhaṃ vairājamiti gautamaḥ // (5) Par.?

caturbhiriti dhānaṃjayyaḥ // (6) Par.?

tribhiriti śāṇḍilyaḥ // (7) Par.?

araṇyoḥ sandhānam ālabhyopajighretpāṇī tejo 'si tejo mayi dhehīti // (8) Par.?

mathyamāne stomaṃ yuñjyāt // (9) Par.?

jāte stuvīran // (10) Par.?

vācayitvā yajamānam / (11.1) Par.?

punar ūrjā nivartasva punaragna iṣāyuṣā / (11.2) Par.?

punar naḥ pāhyaṃhasaḥ / (11.3) Par.?

saha rathyā nivartasvāgne pinvasva dhārayā viśvapsnyā viśvataspari / (11.4) Par.?

ity anumantryābhijuhuyāt // (11.5) Par.?

tad uktaṃ brāhmaṇena // (12) Par.?

svāhākāreṇottarām // (13) Par.?

apaḥ sāvakā upanidhāya mahānāmnībhiḥ stuvīran // (14) Par.?

yo yaḥ sāmāṅgaṃ brūyātsa udaghoṣaṃ janayet // (15) Par.?

vācayitvā yajamānaṃ tā ninayed āstāve 'nādhṛṣṭāsi tāṃ tvā somo rājāvatu yāmapīthā upatiṣṭhanta āpo ye śākvarā ṛṣabhā ye svarājaste arṣantu te varṣantu te kṛṇvantv iṣam ūrjaṃ rāyaspoṣaṃ tad videyeti / (16.1) Par.?

samanyā yantīti vā samudraṃ vaḥ prahiṇomīti vā // (16.2) Par.?

sarvair vā // (17) Par.?

aṣṭhīvatoravakā upoheran // (18) Par.?

chadiṣi varṣakāmo 'dhyāsayed iti śāṇḍilyaḥ // (19) Par.?

goṣṭhe paśukāmaḥ // (20) Par.?

sabhāyāṃ yaśaskāmaḥ // (21) Par.?

śmaśāne 'bhicaran // (22) Par.?