Texts

Help

Select a text:
Bibliography
Select a chapter:
 (no revisions)
Associated topic(s): midday pavamāna, midday sacrifice, mādhyandina, mādhyaṃdinasavana

Show parallels  Show headlines
Use dependency labeler
Chapter id: 15453
  • Click on a sentence to show its analysis
  • Keep the mouse pointer over a lemma to show its meanings.
marutvatīḥ pratipado bhavanti // (1) Par.?
marutvantaṃ grahaṃ gṛhṇanti // (2) Par.?
marutvān vā indro vṛtram ahan vārtrahatyāya // (3) Par.?
uccā te jātam andhasety andhasvatīr bhavanti // (4) Par.?
ahar vā andhaḥ // (5) Par.?
ahna evārambhaḥ // (6) Par.?
yajño vā andhaḥ // (7) Par.?
yajñasyaivārambhaḥ // (8) Par.?
trīṇi yajñe 'ndhāṃsīti ha sma pūrve brāhmaṇā mīmāṃsanta uccā te jātam andhasā vasor mandānam andhasaḥ purojitī vo andhasa iti // (9) Par.?
trayaḥ paśuṣu bhogāḥ prātar madhyaṃdine sāyam // (10) Par.?
tān evaitenāvarunddhe // (11) Par.?
imau vai lokau saha santau vyaitām // (12) Par.?
tayor na kiṃcana samapatat // (13) Par.?
te devamanuṣyā āśanāyan // (14) Par.?
itaḥpradānāddhi devā jīvanty amutaḥpradānān manuṣyāḥ // (15) Par.?
sa etāḥ prajāpatir ṛco 'paśyad uccā te jātam andhaseti // (16) Par.?
sa ud ity eveto devebhyo havyam avahat // (17) Par.?
divi sad bhūmy ā dada ity amuto vṛṣṭim ācyāvayat // (18) Par.?
tāv imau lokau savāsināv akarot // (19) Par.?
tāv asmai kāmam apinvātām // (20) Par.?
kāmam asmā imau lokau pinvāte ya evaṃ veda // (21) Par.?
tāsu gāyatram uktabrāhmaṇam // (22) Par.?
Duration=0.068294048309326 secs.