Texts

sauyavase ramante // (1) Par.?

saikonā virāḍ dvir anūktayā // (2) Par.?

samprati virāṭ trir anūktayā // (3) Par.?

ekā virājam atyeti // (4) Par.?

trayo vai yajñe kāmā yaḥ sampanne yo nyūne yo 'tirikte // (5) Par.?

yad vai yajñasya sampannaṃ tat svargyam // (6) Par.?

yan nyūnaṃ tad annādyam // (7) Par.?

yad atiriktaṃ tat prajātyai // (8) Par.?

tad atraiva yajamānaḥ sarvān kāmān āpnoti // (9) Par.?

abhūd eṣā ruśatpaśur ity āśīrvatyā paridadhāti // (10) Par.?

paśubhya eva tad āśiṣaṃ vadate // (11) Par.?

tathā ha yajamānāt paśavo 'nutkrāmukā bhavanti // (12) Par.?

tasyāṃ vācam utsṛjate // (13) Par.?

tad enam ajanīti devebhyo nivedayati // (14) Par.?

atra hi jāyate // (15) Par.?

ayā vājaṃ devahitaṃ sanemeti dvipadām abhyasyati // (16) Par.?

paśavo vā etāni caturuttarāṇi chandāṃsi // (17) Par.?

yajamānacchandasaṃ dvipadā // (18) Par.?

adhiṣṭhāyām eva tat paśūnāṃ yajamānaṃ dadhāti // (19) Par.?

adhīva vai paśūn puruṣas tiṣṭhati // (20) Par.?