Texts

Help

Select a text:
Bibliography

Select a chapter:
(no revisions)

Associated topic(s): rājasūya

Show parallels Show headlines
Use dependency labeler

Chapter id: 15691

Click on a sentence to show its analysis
Keep the mouse pointer over a lemma to show its meanings.

svāhā namo ya idaṃ cakāreti punar etya gārhapatye hutvānumatena pracarati // (1.1) Par.?

dhenur dakṣiṇā // (2.1) Par.?

ādityaṃ carum ity etābhir anvaham iṣṭvā cāturmāsyāny ālabhate // (3.1) Par.?

taiḥ saṃvatsaraṃ yajate // (4.1) Par.?

na śunāsīrīyaṃ pratisamasyati // (5.1) Par.?

tataś caturhaviṣendraturīyeṇa yajate // (6.1) Par.?

āgneyam aṣṭākapālam iti // (7.1) Par.?

vahinī dhenur dakṣiṇā // (8.1) Par.?

tayā bhrātṛvyavantaṃ priyaṃ vā yājayet // (9.1) Par.?

etasyā eva rātrer niśāyāṃ pañcedhmīyena yajate // (10.1) Par.?

caturdhāhavanīyaṃ pratidiśaṃ vyuddhṛtya madhye pañcamaṃ kṛtvā pṛthag idhmān upasamādhāya juhvāṃ pañcagṛhītaṃ gṛhītvā ye devāḥ puraḥsada ity etair yathāliṅgaṃ juhoti / (11.1) Par.?

madhye pañcamena // (11.2) Par.?

samūḍhaṃ rakṣa iti madhya idhmān upasamūhyaikadhopasamādhāyāparaṃ pañcagṛhītaṃ gṛhītvāgnaye rakṣoghne svāhety uttarāḥ pañcāhutīr juhoti // (12.1) Par.?

praṣṭivāhī ratho dakṣiṇā / (13.1) Par.?

pañcavāhī vā // (13.2) Par.?

tena yajeta yo rakṣobhyo bibhīyāt piśācebhyo vā // (14.1) Par.?

vyuṣṭāyāṃ purāgnihotrād apāmārgahomena caranti // (15.1) Par.?

apāṃ nyayanād apāmārgān āhṛtya tān saktūn kṛtvā dakṣiṇāgner ekolmukaṃ dhūpāyaddharati // (16.1) Par.?

uttaram aparam avāntaradeśaṃ gatvā svakṛta iriṇe pradare vopasamādhāya devasya tvety anudrutya rakṣaso vadhaṃ juhomīti parṇamayena sruveṇa juhoti // (17.1) Par.?

hataṃ rakṣa iti sruvam anuprahṛtyāvadhiṣma rakṣa ity upatiṣṭhate // (18.1) Par.?

yad vaste tad dakṣiṇā / (19.1) Par.?

varo vā // (19.2) Par.?

apratīkṣam āyanti rakṣasām antarhityā iti vijñāyate // (20.1) Par.?

Duration=0.083762884140015 secs.