Texts

sūdadohasā saha lokaṃpṛṇāḥ sarveṣṭakāsu tayā devatayā karoti // (1) Par.?

śīrṣāvyavasesthāpyaya iti loko madhye svayamātṛṇṇālokaḥ // (2) Par.?

varjayet kṛṣṇāṃ bhinnām alakṣmīm iti // (3) Par.?

dakṣiṇāvṛdbhir dakṣiṇaṃ puccham upadadhāti savyāvṛdbhir uttaram ṛjulekhābhir doṣam // (4) Par.?

agreṇāhavanīyam ānaḍuhe carmaṇi mukhyāś citīnām āsādya saṃpreṣyati cityagnibhya ity upāṃśu praṇīyamānebhyo 'nubrūhīty uccaiḥ // (5) Par.?

prācīm anu pradiśam iti praṇayati // (6) Par.?

aśvapūrvā yanti // (7) Par.?

uttaraṃ pucchāpyayaṃ pratyākramya indra sānasiṃ rayim ity ākramaṇam upadadhāti // (8) Par.?

purastāt prācīnās tena svayamātṛṇṇālokam abhyasthāṃ viśvā ity ākramayati // (9) Par.?

prāñcaṃ prakramayya pratyañcam abhyāvartayati // (10) Par.?

tapo yonir asīti pade puṣkaraparṇam upadadhāty apāṃ pṛṣṭham asīti ca // (11) Par.?

adhastān nābhipuṣkaraparṇe rukmaṃ brahma jajñānam iti paścāt pāśam adhastān nirbādhaṃ sādayati // (12) Par.?

kṛṇuṣva pāja iti pañcabhir akṣṇayā vyāghārayati // (13) Par.?

hiraṇyagarbha iti rukme sauvarṇaṃ puruṣam uttānam upadadhāti // (14) Par.?

drapsaś caskandety abhimantrya namo 'stu sarpebhya iti tisṛbhir anudiśati vyāghārayati ca yathā rukmam // (15) Par.?

ayam agniḥ sahasriṇa iti srucaṃ kārṣmaryamayīṃ ghṛtasya pūrṇāṃ dakṣiṇataḥ sādayati bhuvo yajñasyeti dadhna audumbarīm uttarataḥ // (16) Par.?

tejo 'sīti hiraṇyeṣṭakāṃ śarkarāṃ svayamātṛṇṇām aśvenopaghrāpya bhūr bhuvaḥ svar ity abhimantrya dhruvāsi dharuṇeti cāviduṣā saha brāhmaṇena prajāpatiṣ ṭvā sādayatv iti puruṣe sādayati // (17) Par.?

puruṣasyāsye chidraṃ karoti // (18) Par.?

bhūr iti prācīm udūhediti brāhmaṇavyākhyātam // (19) Par.?

cittiṃ juhomīty ātṛṇṇe juhoti // (20) Par.?

pṛthivīm ākramiṣam iti yajamānaṃ vācayati // (21) Par.?

yajamāno 'viduṣe varaṃ dadāty avidvān adhvaryave // (22) Par.?

yās te agna ārdrā yonaya iti kulāyinīm // (23) Par.?

kāṇḍāt kāṇḍād iti dūrveṣṭakāṃ loṣṭaṃ dūrvāmiśraṃ saṃsṛṣṭaṃ svayamātṛṇṇāyāḥ // (24) Par.?

yās te agne sūrye ruca iti vāmabhṛtaṃ hiraṇyaśakalāv adhyūhya // (25) Par.?

virāḍ jyotir adhārayad bhūr asi bhuvanasya reta iti retaḥsicam // (26) Par.?

svarāḍ jyotir adhārayad bhūr asi bhuvanasya reta iti dvitīyām // (27) Par.?

samrāḍ jyotir adhārayad iti tṛtīyām // (28) Par.?

prathamāyāṃ citau yūna upadadhyān madhyamāyāṃ vivayaso vihṛtā sthavirasya // (29) Par.?

putrī cinvīteti dvayor brāhmaṇam // (30) Par.?

bṛhaspatiṣ ṭvā sādayatu pṛthivyāḥ pṛṣṭhe jyotiṣmatīm iti viśvajyotiṣam // (31) Par.?

udapurā nāmāsīti maṇḍalām avadadhyāt // (32) Par.?

ṛtavyā upadadhāti madhuś ca mādhavaś ceti paryāyair dve dve cityāṃ cityāṃ catasro madhyamāyām // (33) Par.?

dve dve paryāyeṇāgner antaḥśleṣo 'sīty anuṣajet // (34) Par.?

gharmeṣṭakā upadhāyāṣāḍhāsīty aṣāḍhām // (35) Par.?

kūrmaṃ kacchapaṃ matsyaṃ dadhnā madhunā ghṛtena madhu vātā ṛtāyata iti tisṛbhiḥ samājyāpāṃ tvā gahmant sādayāmīty abhimantrya mahī dyaur iti purastāt pratyañcaṃ sādayati // (36) Par.?

audumbaram ulūkhalamusalaṃ prādeśamātraṃ catuḥsrakti // (37) Par.?