Texts

chandāṃsi yad imān lokān vyabhajantemam eva lokaṃ gāyatry abhajatāntarikṣaṃ triṣṭub amuṃ jagatī // (1) Par.?

brahma vai gāyatrī // (2) Par.?

kṣatraṃ triṣṭup // (3) Par.?

viḍ jagatī // (4) Par.?

seyaṃ triṣṭub asminn antarikṣe nālanennupādanenārāraṇyata // (5) Par.?

semāṃ gāyatrīṃ prāṅ abhyavidhyat // (6) Par.?

tām abhyatapat // (7) Par.?

tasyā abibhed āyatanaṃ ma upahariṣyata iti // (8) Par.?

tām abravīn namas te 'stu kiṃkāmā mābhividhyasīti // (9) Par.?

pradānaṃ me prayacchety abravīt // (10) Par.?

tasyai dve aṣṭākṣare pade prāyacchat // (11) Par.?

sāmūṃ jagatīm upapalyāyata // (12) Par.?

tām abhyavidhyat // (13) Par.?

tām abhyatapat // (14) Par.?

tasyā abibhed āyatanaṃ ma upahariṣyata iti // (15) Par.?

tām abravīn namas te 'stu kiṃkāmā mābhividhyasīti // (16) Par.?

pradānaṃ me prayacchety abravīt // (17) Par.?

tasyai dvādaśākṣaraṃ padaṃ prāyacchat // (18) Par.?

semām eva gāyatrīṃ punar upapalyāyata // (19) Par.?

tām abravīd yat te prādāṃ kim u nv evecchasīti // (20) Par.?

sarvam eva ma ātmānaṃ prayacchety abravīt // (21) Par.?

atha kim u mama bhaviṣyatīti // (22) Par.?

samānaṃ nāv annādyaṃ bhaviṣyati puras tvā dhāsya iti // (23) Par.?

tatheti // (24) Par.?

tāṃ puro 'dhatta // (25) Par.?

tasyai sarvam ātmānaṃ prāyacchat // (26) Par.?

tad yad gāyatrī sarvam ātmānaṃ prāyacchat tasmād brāhmaṇaḥ sarveṇātmanā kṣatriyam abhyeti // (27) Par.?

atho yaj jagatī na sarvam ivātmānaṃ prāyacchat tasmād u kṣatrād viḍ apakrāmam iva carati // (28) Par.?

yāṃ yām eva tāṃ gāyatrī ca jagatī ca samprāyacchatāṃ saivaiṣā bṛhaty abhavat // (29) Par.?

tasmād bṛhatyai trīṇi cāṣṭākṣarāṇi padāni dvādaśākṣaraṃ ca // (30) Par.?

saiṣā gāyatrī prathamato yujyata uccā te jātam andhaseti // (31) Par.?

eṣā purohitāvasāne // (32) Par.?

vindate purodhāṃ vā purodhāmātraṃ vā ya evaṃ veda // (33) Par.?