Texts

Help

Select a text:
Bibliography
Select a chapter:
 (no revisions)
Associated topic(s): agniṣṭoma

Show parallels  Show headlines
Use dependency labeler
Chapter id: 16262
  • Click on a sentence to show its analysis
  • Keep the mouse pointer over a lemma to show its meanings.
trīṇi ha vai nidhanānīḍā svaro nidhanam eva nidhanam // (1) Par.?
atha yad ṛksamaṃ svāraṃ vāva tan manyante // (2) Par.?
samānā hy ṛksamasya ca svārasya ca jāmyajāmitā // (3) Par.?
ayaṃ vai loka iḍā // (4) Par.?
paśava iḍā // (5) Par.?
paśavo 'yaṃ lokaḥ // (6) Par.?
idam evāntarikṣaṃ svaraḥ // (7) Par.?
prāṇaḥ svaraḥ // (8) Par.?
prāṇo 'ntarikṣam // (9) Par.?
asāv eva loko nidhanam // (10) Par.?
gatiḥ pratiṣṭhā // (11) Par.?
tāny u ha vai yo 'jāmi yathāpūrvaṃ kalpayed aiḍam eva prathamaṃ kuryād atha svāram atha nidhanavat // (12) Par.?
evaṃ hīme lokā yathāpūrvam // (13) Par.?
ātmā ha khalu vai nidhanam // (14) Par.?
prāṇaḥ svaraḥ // (15) Par.?
paśava iḍā // (16) Par.?
tad yad aiḍaṃ ca nidhanavac cāntareṇa svāraṃ kriyate tathā hāsyaitāni sarvāṇi prāṇasaṃtatāni bhavanti // (17) Par.?
madhyato hy ayaṃ prāṇaḥ prajāḥ paśūn bhuvanāni vivaste // (18) Par.?
atha ha vai yad bṛhadrathantare sāmāni vyabhajetām // (19) Par.?
Duration=0.042590856552124 secs.