Texts

Help

Select a text:
Bibliography
Select a chapter:
 (no revisions)
Associated topic(s): (mythical) interpretation of the agnicayana, agnicayana, micro-macro cosmos speculation

Show parallels  Show headlines
Use dependency labeler
Chapter id: 16432
  • Click on a sentence to show its analysis
  • Keep the mouse pointer over a lemma to show its meanings.
dhīro ha śātaparṇeyaḥ mahāśālaṃ jābālam upotsasāda / (1.1) Par.?
taṃ hovāca kim mā vidvān upodasada iti / (1.2) Par.?
agniṃ vedeti / (1.3) Par.?
kam agniṃ vettheti / (1.4) Par.?
vācam iti / (1.5) Par.?
yas tam agniṃ veda kiṃ sa bhavatīti / (1.6) Par.?
vāgmī bhavatīti hovāca nainaṃ vāg jahātīti // (1.7) Par.?
vetthāgnim iti hovāca kim eva mā vidvān upodasada iti / (2.1) Par.?
agniṃ vedeti / (2.2) Par.?
kam agniṃ vettheti / (2.3) Par.?
cakṣur iti / (2.4) Par.?
yas tam agniṃ veda kiṃ sa bhavatīti / (2.5) Par.?
cakṣuṣmān bhavatīti hovāca nainaṃ cakṣur jahātīti // (2.6) Par.?
vetthāgnim iti hovāca kim eva mā vidvān upodasada iti / (3.1) Par.?
agniṃ vedeti / (3.2) Par.?
kam agniṃ vettheti / (3.3) Par.?
mana iti / (3.4) Par.?
yas tam agniṃ veda kiṃ sa bhavatīti / (3.5) Par.?
manasvī bhavatīti hovāca nainam mano jahātīti // (3.6) Par.?
vetthāgnim iti hovāca kim eva mā vidvān upodasada iti / (4.1) Par.?
agniṃ vedeti / (4.2) Par.?
kam agniṃ vettheti / (4.3) Par.?
śrotram iti / (4.4) Par.?
yas tam agniṃ veda kiṃ sa bhavatīti / (4.5) Par.?
śrotravān bhavatīti hovāca nainaṃ śrotraṃ jahātīti // (4.6) Par.?
vetthāgnim iti hovāca kim eva mā vidvān upodasada iti / (5.1) Par.?
agniṃ vedeti / (5.2) Par.?
kam agniṃ vettheti / (5.3) Par.?
ya etat sarvam agnis taṃ vedeti / (5.4) Par.?
tasmin hokta upāvarurohādhīhi bhos tam agnim iti // (5.5) Par.?
sa hovāca prāṇo vāva so 'gniḥ / (6.1) Par.?
yadā vai puruṣaḥ svapiti prāṇaṃ tarhi vāg apyeti prāṇaṃ cakṣuḥ prāṇam manaḥ prāṇaṃ śrotram / (6.2) Par.?
yadā prabudhyate prāṇād evādhi punar jāyante / (6.3) Par.?
ity adhyātmam // (6.4) Par.?
athādhidevatam / (7.1) Par.?
yā vai sā vāg agnir eva sa / (7.2) Par.?
yat tac cakṣur asau sa ādityaḥ / (7.3) Par.?
yat tan mana eṣa sa candramāḥ / (7.4) Par.?
yat tacchrotraṃ diśa eva tat / (7.5) Par.?
atha yaḥ sa prāṇo 'yam eva sa vāyur yo 'yaṃ pavate // (7.6) Par.?
yadā vā agnir anugacchati vāyuṃ tarhy anūdvāti / (8.1) Par.?
tasmād enam udavāsīd ity āhuḥ / (8.2) Par.?
vāyuṃ hy anūdvāti / (8.3) Par.?
yadādityo 'stam eti vāyuṃ tarhi praviśati vāyuṃ candramāḥ / (8.4) Par.?
vāyau diśaḥ pratiṣṭhitāḥ / (8.5) Par.?
vāyor evādhi punar jāyante / (8.6) Par.?
sa yadaivaṃvid asmāl lokāt praiti vācaivāgnim apyeti cakṣuṣādityam manasā candraṃ śrotreṇa diśaḥ prāṇena vāyuṃ / (8.7) Par.?
sa etanmaya eva bhūtvaitāsāṃ devatānāṃ yāṃ yāṃ kāmayate sā bhūtvelayati // (8.8) Par.?
Duration=0.27209401130676 secs.