Texts

Help

Select a text:
Bibliography
Select a chapter:
 (no revisions)
Associated topic(s): (mythical) interpretation of the agnicayana, agnicayana

Show parallels  Show headlines
Use dependency labeler
Chapter id: 16483
  • Click on a sentence to show its analysis
  • Keep the mouse pointer over a lemma to show its meanings.
kuśrir ha vājaśravaso 'gniṃ cikye / (1.1) Par.?
taṃ hovāca suśravāḥ kauṣyo gautama yad agnim acaiṣīḥ prāñcam enam acaiṣīḥ pratyañcam enam acaiṣīr nyañcam enam acaiṣīr uttānam enam acaiṣīḥ // (1.2) Par.?
yady ahainam prāñcam acaiṣīḥ yathā parāca āsīnāya pṛṣṭhato 'nnādyam upāharet tādṛk tat / (2.1) Par.?
na te haviḥ pratigrahīṣyati // (2.2) Par.?
yady u vā enam pratyañcam acaiṣīḥ kasmād asya tarhi paścātpuccham akārṣīḥ // (3.1) Par.?
yady u vā enaṃ nyañcam acaiṣīḥ yathā nīcaḥ śayānasya pṛṣṭhe 'nnādyaṃ pratiṣṭhāpayet tādṛk tat / (4.1) Par.?
naiva te haviḥ pratigrahīṣyati // (4.2) Par.?
yady u vā enam uttānam acaiṣīḥ na vā uttānaṃ vayaḥ svargaṃ lokam abhivahati / (5.1) Par.?
na tvā svargaṃ lokam abhivakṣyati / (5.2) Par.?
asvargya u te bhaviṣyatīti // (5.3) Par.?
sa hovāca prāñcam enam acaiṣam pratyañcam enam acaiṣaṃ nyañcam enam acaiṣam uttānam enam acaiṣaṃ sarvā anu diśa enam acaiṣam iti // (6.1) Par.?
sa yat prāñcam puruṣam upadadhāti prācyau srucau tat prāṅ cīyate / (7.1) Par.?
atha yat pratyañcaṃ kūrmam upadadhāti pratyañci paśuśīrṣāṇi tat pratyaṅ cīyate / (7.2) Par.?
atha yan nyañcaṃ kūrmam upadadhāti nyañci paśuśīrṣāṇi nīcīr iṣṭakās tan nyaṅ cīyate / (7.3) Par.?
atha yad uttānaṃ puruṣam upadadhāty uttāne srucā uttānam ulūkhalam uttānām ukhāṃ tad uttānaś cīyate / (7.4) Par.?
atha yat sarvā anu diśaḥ parisarpam iṣṭakā upadadhāti tat sarvataś cīyate // (7.5) Par.?
atha ha koṣā dhāvayantaḥ nirūḍhaśirasam agnim upādhāvayāṃcakruḥ / (8.1) Par.?
teṣāṃ haika uvāca śrīr vai śiraḥ / (8.2) Par.?
śriyam asya nirauhīt / (8.3) Par.?
sarvajyāniṃ jyāsyata iti / (8.4) Par.?
sa ha tathaivāsa // (8.5) Par.?
atha haika uvāca prāṇā vai śiraḥ / (9.1) Par.?
prāṇān asya nirauhīt / (9.2) Par.?
kṣipre 'muṃ lokam eṣyatīti / (9.3) Par.?
sa u ha tathaivāsa // (9.4) Par.?
ūrdhvo vā eṣa etac cīyate yad darbhastambo logeṣṭakāḥ puṣkaraparṇaṃ rukmapuruṣau srucau svayamātṛṇṇā dūrveṣṭakā dviyajū retaḥsicau viśvajyotir ṛtavye aṣāḍhā kūrmaḥ / (10.1) Par.?
atha hāsyaitad eva pratyakṣatamāṃ śiro yaś cite 'gnir nidhīyate / (10.2) Par.?
tasmān na nirūhet // (10.3) Par.?
Duration=0.11975908279419 secs.