Texts

sadyaskriyā yakṣyamāṇo bhavati // (1) Par.?

sa yūpyaṃ ca vṛkṣaṃ chedayati lāṅgalyaṃ ca // (2) Par.?

īṣāṃ yūpyasya kārayati lāṅgalaṃ lāṅgalyasya // (3) Par.?

tau saṃhatya bhuñjate vā ni vā dadhati // (4) Par.?

athāsyaitat purastād eva juṣṭe devayajane vedisaṃmitaṃ vimitaṃ kāritaṃ bhavati // (5) Par.?

tad etena lāṅgalena parihārya karṣayati // (6) Par.?

tasmiñ jaghanyavāpyān yavān vāpayitvā parighātayati // (7) Par.?

athāsyaite rathā upakﾱptā bhavanti caturyuk praṣṭivāhī dviyoga sthūrir iti // (8) Par.?

teṣu kāla eva dadhivinālān āsañjayanti // (9) Par.?

sa grīṣmasya jaghanyāhaḥsu prajahiteṣu yaveṣv ṛtvijaḥ padenāhvāpayatīṣṭyā vā mā yājayiṣyatha bhaktaṃ vā vaḥ kārayiṣyāmīti // (10) Par.?

teṣūpasameteṣu kāla eva prātaragnihotraṃ juhoti // (11) Par.?

upasaṃgacchanta enam eta ṛtvijaḥ // (12) Par.?

athainān āha sadyaskriyā mā yājayateti // (13) Par.?

tam tathetītare pratyāhuḥ // (14) Par.?

tasmai tadānīm eva sadyaskrīryāṃ śālāṃ kurvanti // (15) Par.?

taṃ tadānīm eva tīrthād ānīya pavayitvā dīkṣaṇīyām iṣṭiṃ nirvapati // (16) Par.?

tasyāṃ saṃsthitāyāṃ muṣṭī caiva na karoti vācaṃ ca na yacchati // (17) Par.?

nidadhaty asmā etaddhavir ucchiṣṭaṃ vratabhājanam // (18) Par.?

atha prāyaṇīyām iṣṭiṃ nirvapati // (19) Par.?

haviṣkṛtā vācaṃ visṛjate // (20) Par.?

atrāsmā etaddhavir ucchiṣṭaṃ prayacchanti vratabhājanam etat // (21) Par.?

prasūtā evaite rathā ājiṃ dhāvanti // (22) Par.?

yojanaṃ prāk caturyuk traipadaṃ dakṣiṇā praṣṭivāhī // (23) Par.?

gavyūtiṃ paścād dviyogaḥ // (24) Par.?

krośam udak sthūrir iti // (25) Par.?

te yena yena saṃgacchante tasmā āvedayante yajate 'yam asāv āmuṣyāyaṇo 'muṣya putro 'muṣya pautro 'muṣya naptā sadyaskriyeti // (26) Par.?

āyanti rathāḥ // (27) Par.?

āgateṣu ratheṣu yad vināleṣu navanītam utsīdati tad vilāpyotpūyājyakumbhe pratyasyati sadyastāyā iti // (28) Par.?