Texts

Help

Select a text:
Bibliography

Select a chapter:
(no revisions)

Associated topic(s): agniṣṭoma, somakraya, -vikraya, buying Soma

Show parallels Show headlines
Use dependency labeler

Chapter id: 16581

Click on a sentence to show its analysis
Keep the mouse pointer over a lemma to show its meanings.

atrādityopasthānaṃ rājñaś ca nivapanādi karmaike samāmananti // (1.1) Par.?

api panthām agasmahīty uddhṛtapūrvaphalakenānasā pariśritena chadiṣmatā prāñcaḥ somam accha yānti // (2.1) Par.?

śīrṣṇā girau krītaṃ haranti // (3.1) Par.?

apareṇottareṇa vā rājānaṃ prāgīṣam udagīṣaṃ vā naddhayugaṃ śakaṭaṃ cubukapratiṣṭhitam // (4.1) Par.?

aṃśunā te aṃśuḥ pṛcyatām iti yajamāno rājānam abhimantrayate // (5.1) Par.?

yaṃ kāmayetāpaśuḥ syād ity ṛkṣatas tasyety uktam // (6.1) Par.?

kṣaumaṃ vāso dviguṇaṃ triguṇaṃ vā prāgdaśam uttaradaśaṃ carmaṇy āstṛṇāti / (7.1) Par.?

udagdaśaṃ vā // (7.2) Par.?

tasmin hiraṇyapāṇir aṅguṣṭhena kaniṣṭhikayā cāṅgulyāṃśūn saṃgṛhyānyacann abhi tyaṃ devaṃ savitāram ity aticchandasarcā mimīte // (8.1) Par.?

evam ekayaikayotsargam // (9.1) Par.?

sarvāsv aṅguṣṭham upanigṛhṇāti // (10.1) Par.?

yayā prathamaṃ na tayā pañcamaṃ tayaivottamam // (11.1) Par.?

pañcakṛtvo yajuṣā mimīte / (12.1) Par.?

pañcakṛtvas tūṣṇīm // (12.2) Par.?

evaṃ dvis trir aparimitakṛtvo vā // (13.1) Par.?

prajābhyas tvety avaśiṣṭān aṃśūn upasamūhya kṣaumeṇa vāsasopasaṃgṛhya prāṇāya tveti dviguṇenoṣṇīṣeṇopanahya vyānāya tveti visrasyāvekṣate prajās tvam anuprāṇihi prajās tvām anuprāṇantv iti // (14.1) Par.?

eṣa te gāyatro bhāga ity etair yajamāno rājānam upatiṣṭhate // (15.1) Par.?

Duration=0.047304153442383 secs.